ზოგიერთი სამართლებრივი აქტის ძალადაკარგულად გამოცხადების შესახებ

ზოგიერთი სამართლებრივი აქტის ძალადაკარგულად გამოცხადების შესახებ საქართველოს კულტურის მინისტრის ბრძანება №05/33 2025 წლის 2 დეკემბერი ქ. თბილისი ზოგიერთი სამართლებრივი აქტის ძალადაკარგულად გამოცხადების შესახებ „ნორმატიული აქტების შესახებ“ საქართველოს ორგანული კანონის 25-ე მუხლის შესაბამისად, ვბრძანებ: მუხლი 1🔗 ძალადაკარგულად გამოცხადდეს შემდეგი სამართლებრივი აქტები: ა) „საქართველოს რესპუბლიკის კულტურის სამინისტროს სისტემის სასწავლო დაწესებულებებში პედაგოგიური კადრების შერჩევისა და მათი მუშაობის შეფასების ახალი კრიტერიუმების შესახებ“ საქართველოს რესპუბლიკის კულტურის სამინისტროს კოლეგიის 1994 წლის 20 აპრილის №2/4 დადგენილება; ბ) „კულტურისა და ხელოვნების სასწავლო დაწესებულებათა ფასიანი სწავლების დებულების თაობაზე“ საქართველოს რესპუბლიკის კულტურის მინისტრის 1995 წლის 23 ოქტომბრის №3/93 ბრძანება; გ) „საქართველოს კულტურის სამინისტროს სისტემის სასწავლო დაწესებულებების მუშაკთა შერჩევისა და მათი მუშაობის შეფასების კრიტერიუმების შესახებ“ საქართველოს კულტურის სამინისტროს კოლეგიის 1996 წლის 28 ივნისის №3/4 გადაწყვეტილება; დ) „საქართველოს ძეგლთა დაცვის დეპარტამენტთან არსებული სამეცნიერო-მეთოდური საბჭოს დებულების დამტკიცების თაობაზე“ საქართველოს კულტურის მინისტრის 2002 წლის 18 მარტის № 3/62 ბრძანება. მუხლი 2🔗 ეს ბრძანება ამოქმედდეს გამოქვეყნებისთანავე.საქართველოს კულტურის მინისტრითინათინ რუხაძე