1. დაფინანსდება:
ა) ნეიროქირურგიული და ტრავმატოლოგიურ-ორთოპედიული ოპერაციები;
ბ) ამ ოპერაციებთან დაკავშირებული შიდა საფიქსაციო მოწყობილობების ამოღება;
გ) კიდურების, თითების ამპუტაცია.
2. ბენეფიციარმა ან მისი ოჯახის სრულწლოვანმა წევრმა მუნიციპალიტეტის მერიაში უნდა წარმოადგინოს:
ა) განცხადება მუნიციპალიტეტის მერის სახელზე;
ბ) განმცხადებლის პირადობის დამადასტურებელი დოკუმენტი;
გ) ბენეფიციარის პირადობის დამადასტურებელი დოკუმენტი, ხოლო არასრულწლოვანის შემთხვევაში – დაბადების მოწმობა და არასრულწლოვანის რეგისტრაციის ბარათი (ან პირადობის დამადასტურებელი დოკუმენტი);
დ) ცნობა ჯანმრთელობის მდგომარეობის შესახებ (ფორმა №100);
ე) ხარჯთაღრიცხვა ან/და კალკულაცია ან/და სხვა დოკუმენტი სამედიცინო დაწესებულებიდან;
ვ) უარი ან დაფინანსების ფურცელი საყოველთაო ჯანდაცვიდან ან სადაზღვევო კომპანიიდან დაფინანსების თაობაზე ან/და შესაძლებელია იგივე მონაცემები წარმოდგენილი იყოს ხარჯთაღრიცხვის დოკუმენტში.
3. ბენეფიციარს უფლება აქვს ისარგებლოს ერთჯერადად ამ მუხლის 1-ლი პუნქტის როგორც „ა“, ასევე „ბ“ და „გ“ ქვეპუნქტებით. „ა“, „ბ“ და „გ“ თითოეული ქვეპუნქტით სარგებლობისას დაფინანსდება პაციენტის მიერ გადასახდელი თანხის 300 ლარამდე სრულად, ხოლო 301 ლარიდან –50% თანადაფინანსებით, არაუმეტეს 700 ლარისა;
4. იმ შემთხვევაში, თუ ბენეფიციარმა წარმოადგინა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროდან ან/და სადაზღვევო კომპანიიდან უარი დაფინანსების თაობაზე, „ა“, „ბ“ და „გ“ თითოეული ქვეპუნქტით სარგებლობის დაფინანსდება მოთხოვნილი თანხის 300 ლარამდე სრულად, ხოლო 301 – ლარიდან – 50%-ით, არაუმეტეს 900 ლარისა.
5. ანაზღაურდება უნაღდო ანგარიშსწორების ფორმით შესაბამის ანგარიშსწორების ანგარიშზე.
6. დაფინანსების მიღებისთვის საჭირო დოკუმენტაციის წარმოდგენა შესაძლებელია აგრეთვე სამედიცინო დაწესებულების დატოვებიდან 30 სამუშაო დღის ვადაშ