ორგანიზაციული საქმიანობის სფეროში საკრებულოს უფლებამოსილებას განეკუთვნება:

ა) საკრებულოს რეგლამენტის დამტკიცება და მასში ცვლილების შეტანა;

ბ) საკრებულოს თავმჯდომარის, საკრებულოს თავმჯდომარის პირველი მოადგილისა და საკრებულოს თავმჯდომარის მოადგილეების არჩევა და თანამდებობიდან გადაყენება;

გ) საკრებულოს კომისიის შექმნა და გაუქმება; კომისიის თავმჯდომარის არჩევა და თანამდებობიდან გადაყენება; ახალარჩეული საკრებულოს პირველ სხდომაზე საკრებულოს კომისიის წევრთა რაოდენობისა და პროპორციული წარმომადგენლობის კვოტების განსაზღვრა და დამტკიცება, კომისიის შემადგენლობის ცნობად მიღება; კომისიის დებულების დამტკიცება და მასში ცვლილების შეტანა;

დ) საკრებულოს დროებითი სამუშაო ჯგუფების შექმნა და გაუქმება, სამუშაო ჯგუფების პერსონალური შემადგენლობის დამტკიცება და მასში ცვლილების შეტანა, საკრებულოს დროებითი სამუშაო ჯგუფის დებულების დამტკიცება;

ე) კანონით დადგენილ შემთხვევებში საკრებულოს წევრის უფლებამოსილების ვადამდე შეწყვეტის შესახებ გადაწყვეტილებების მიღება;

ვ) საკრებულოს სამუშაო გეგმის დამტკიცება;

ზ) საკრებულოს აპარატის დებულებისა და საშტატო ნუსხის დამტკიცება;

თ) საქართველოს ორგანული კანონით ადგილობრივი თვითმმართველობის კოდექსით გათვალისწინებულ შემთხვევებში, საქართველოს საკონსტიტუციო სასამართლოსა და საერთო სასამართლოებში საკრებულოს წარმომადგენლობის უფლებამოსილების მქონე პირის დანიშვნა;

ი) შეკრებებისა და მანიფესტაციების ჩატარებასთან დაკავშირებული საკითხების რეგულირება საქართველოს კანონით დადგენილი წესით;

კ) ცალკეული საკითხების შესასწავლად და შესაბამისი დასკვნებისა და რეკომენდაციების მოსამზადებლად, აგრეთვე საქართველოს კანონმდებლობით გათვალისწინებულ შემთხვევებში და დადგენილი წესით სათათბირო ორგანოების (საბჭო, კომიტეტი და სხვა) შექმნა და გაუქმება, მათი საქმიანობის წესის განსაზღვრა;

ლ) საკრებულოს წევრის მოწმობის ნიმუშის დამტკიცება;

მ) საკრებულოს წევრის ეთიკის კოდექსის დამტკიცება;

ნ) ეთიკის საბჭოს შექმნა და მისი დებულების დამტკიცება;

ო) საკრებულოს წევრის წახალისების წესის დამტკიცება;

პ) საკრებულოს საქმიანობაში საკრებულოს წევრის დისტანციურად მონაწილეობის წესის დამტკიცებ