1. მხარეებს დავისა, რომლებიც დაკავშირებულია წინამდებარე კონვენციის იმ დებულებების განმარტებასთან ან გამოყენებასთან, რომლებიც ეხება (1) თევზჭერას, (2) ზღვის გარემოს დაცვასა და შენარჩუნებას, (3) საზღვაო სამეცნიერო კვლევას ან (4) ნაოსნობას, მათ შორის, გემებიდან და ჩამარხვით დაბინძურებას, შეუძლიათ ნებისმიერ დროს შეთანხმდნენ, მოითხოვონ წინამდებარე დანართის მე-3 მუხლის შესაბამისად შექმნილი სპეციალური საარბიტრაჟო ტრიბუნალი, რათა განახორციელოს მოკვლევა და დაადგინოს დავის გამომწვევი ფაქტები.

2. თუ მხარეები სხვაგვარად არ შეთანხმდებიან, პირველი პუნქტის შესაბამისად მოქმედი სპეციალური საარბიტრაჟო ტრიბუნალის მიერ გაკეთებული ფაქტობრივი მიგნებები მხარეთა შორის ჩაითვლება საბოლოოდ დადგენილად.

3. თუ დავის ყველა მხარე ამას მოითხოვს, სპეციალურ საარბიტრაჟო ტრიბუნალს შეუძლია შეიმუშაოს რეკომენდაციები, რომლებსაც არ აქვთ გადაწყვეტილების ძალა და რომლებიც ქმნის მხარეების მიერ მხოლოდ დავის გამომწვევი საკითხების გადახედვის საფუძველს.

4. მე-2 პუნქტის გათვალისწინებით, სპეციალურმა საარბიტრაჟო ტრიბუნალმა უნდა იმოქმედოს წინამდებარე დანართის დებულებების შესაბამისად, თუ მხარეები სხვაგვარად არ შეთანხმდებიან.

დანართი IX. საერთაშორისო ორგანიზაციების მონაწილეობა