„საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულების - ჯანმრთელობისა და სოციალური პროგრამების სააგენტოს დებულების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2007 წლის 29 ივლისის №198/ნ ბრძანებაში ცვლილებებისა და დამატებების შეტანის თაობაზე

სახელმწიფო სარეგისტრაციო კოდი 010.240.070.22.035.010.871

საქართველოს შრომის, ჯანმრთელობისა და სოციალური დაცვის

მინისტრის ბრძანება №283/ნ

2007 წლის 27 სექტემბერი

ქ. თბილისი

„საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულების – ჯანმრთელობისა და სოციალური პროგრამების სააგენტოს დებულების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2007 წლის 29 ივლისის №198/ნ ბრძანებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1.

„საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულების – ჯანმრთელობისა და სოციალური პროგრამების სააგენტოს დებულების დამტკიცების შესახებ“ საქართველოს შრომის, ჯანრთელობისა და სოციალური დაცვის მინისტრის 2007 წლის 29 ივლისის №198/ნ ბრძანებით (სსმ III, 29.06.2007 წ., №92, მუხლი 989) დამტკიცებულ დებულებაში შეტანილ იქნეს შემდეგი ცვლილებები და დამატებები:

1. მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. სააგენტოს სტრუქტურული ქვედანაყოფებია:

ა) ადმინისტრაციული დეპარტამენტი;

ბ) სახელმწიფო შესყიდვების დეპარტამენტი;

გ) ხელშეკრულებების მართვის დეპარტამენტი;

დ) სამკურნალო და დამხმარე საშუალებების აღრიცხვისა და განაწილების დეპარტამენტი;

ე) ჯანმრთელობის დაცვისა და სოციალური სფეროს სახელმწიფო პროგრამების შესრულების ინსპექტირების დეპარტამენტი;

ვ) საფინანსო ვალდებულებების აღრიცხვის, პროგნოზირებისა და ანგარიშსწორების დეპარტამენტი;

ზ) ბენეფიციართა აღრიცხვისა და ინფორმაციული უზრუნველყოფის დეპარტამენტი;

თ) იურიდიული სამსახური;

ი) საბუღალტრო სამსახური.“.

2. მე-6 მუხლი ჩამოყალიბდეს შემდეგი რედაქციით:

    „მუხლი 6. ადმინისტრაციული დეპარტამენტი

ადმინისტრაციული დეპარტამენტის ძირითად ამოცანებს და კომპეტენციას განეკუთვნება:

ა) სააგენტოს სტრუქტურული ქვედანაყოფების შეუფერხებელი ფუნქციონირების ორგანიზაციულ-ტექნიკური უზრუნველყოფა;

ბ) ტერიტორიული ორგანოების საქმიანობის კოორდინაცია;

გ) სააგენტოს საქმისწარმოების უზრუნველყოფა;

დ) თათბირებისა და შეხვედრების ორგანიზება;

ე) შესასრულებელ სამუშაოთა აღრიცხვა და შესრულების კონტროლი;

ვ) სააგენტოში ადამიანური რესურსების აღრიცხვა, მართვა, განვითარების ხელშეწყობა; საკადრო ხასიათის ბრძანებების/ხელშეკრულებების მომზადება;

ზ) სააგენტოს საქმიანობის საჯაროობის უზრუნველყოფა და საზოგადოებასთან ურთიერთობა.“.

3. მე-7, მე-8, მე-9 და მე-12 მუხლები ჩამოყალიბდეს შემდეგი რედაქციით:

    „მუხლი 7. სახელმწიფო შესყიდვების დეპარტამენტი

სახელმწიფო შესყიდვების დეპარტამენტის ძირითად ამოცანებს და კომპეტენციებს განეკუთვნება:

ა) ჯანდაცვისა და სოციალური სფეროს სახელმწიფო პროგრამების ფარგლებში გათვალისწინებული, აგრეთვე სააგენტოს ფუნქციონირებისათვის აუცილებელი, მომსახურებისა და საქონლის (საჭიროების შემთხვევაში – სამუშაოს) სახელმწიფო შესყიდვის პროცედურების ორგანიზაციული და ტექნიკური უზრუნველყოფა;

ბ) სახელმწიფო შესყიდვების შესახებ მოქმედი კანონმდებლობით დადგენილი წესით, სახელმწიფო შესწყიდვების შესახებ ანგარიშებისა და საოქმო ჩანაწერების წარმოება;

გ) სააგენტოს მიერ სახელმწიფო შესყიდვების განხორციელების მოქმედ კანონმდებლობასთან შესაბამისობის უზრუნველყოფა;

დ) სახელმწიფო შესყიდვებთან დაკავშირებული ხელშეკრულებების მომზადება, ხელშეკრულებათა გაფორმება, გაფორმებული ხელშეკრულებების აღრიცხვა-სისტემატიზაცია.

    მუხლი 8. ხელშეკრულებების მართვის დეპარტამენტი

ხელშეკრულებების მართვის დეპარტამენტის ძირითად ამოცანებს და კომპეტენციებს განეკუთვნება:

ა) ჯანდაცვისა და სოციალური სახელმწიფო პროგრამებით გათვალისწინებული ხელშეკრულების პროექტების და შესრულების ანგარიშების მომზადება;

ბ) სააგენტოს საქმიანობასთან დაკავშირებული სახელმწიფო პროგრამების მომზადებაში მონაწილეობა;

გ) პროგრამების ფარგლებში განხორციელებული საქმიანობის ანალიზი.

    მუხლი 9. სამკურნალო და დამხმარე საშუალებების აღრიცხვისა და განაწილების დეპარტამენტი

დეპარტამენტის ძირითად ამოცანებსა და კომპეტენციას განეკუთვნება:

ა) სახელმწიფო პროგრამებით გათვალისწინებული სპეციფიკური მედიკამენტების აღრიცხვა;

ბ) სახელმწიფო პროგრამებით გათვალისწინებული სპეციფიკური მედიკამენტების და შშმ პირთათვის დამხმარე საშუალებების განაწილება-გაცემის წესის შემუშავება, მოქმედი კანონმდებლობის ფარგლებში;

გ) ჯანდაცვის სახელმწიფო პროგრამებით მოსარგებლე ბენეფიციართა უზრუნველყოფა სპეციფიკური მედიკამენტის მისაღებად აუცილებელი დოკუმენტებით.

    მუხლი 12. ბენეფიციართა აღრიცხვისა და                ინფორმაციული უზრუნველყოფის               დეპარტამენტი

ინფორმაციული უზრუნველყოფის დეპარტამენტის ძირითად ამოცანებს და კომპეტენციებს განეკუთვნება:

ა) ჯანდაცვის (მათ შორის, საზოგადოებრივი ჯანდაცვის) და სოციალური დაცვის სფეროს სახელმწიფო პროგრამების ბენეფიციართა აღრიცხვა და ინფორმაციის დამუშავება;

ბ) ბენეფიციართა შესახებ მონაცემთა ბაზის ფორმირება, მართვა და ანალიზი;

გ) სააგენტოს საქმიანობასთან დაკავშირებულ საკითხებზე, ჯანდაცვისა და სოციალური სფეროს სახელმწიფო პროგრამებით გათვალისწინებული ღონისძიებების თაობაზე საინფორმაციო ბანკის შექმნა;

დ) ბენეფიციართა და დაინტერესებულ პირთა ინფორმაციული უზრუნველყოფა.

ე) სახელმწიფო პროგრამით დადგენილი წესით სადაზღვევო სქემების ფარგლებში ბენეფიციართა გაწევრიანებისთვის ხელშეკრულების პირობების მომზადება და ხელშეკრულებების მართვა;

ვ) მოქმედი კანონმდებლობის შესაბამისად, ვაუჩერით მიწოდებული მომსახურებისა და საქონლის აღრიცხვა და მოხმარების თაობაზე რეგულარული ანგარიშების მომზადება.“.

4. დებულებას დაემატოს შემდეგი შინაარსის 12¹ და 12² მუხლები:

    „მუხლი 12¹. იურიდიული სამსახური

იურიდიული სამსახურის ძირითად ამოცანებს და კომპეტენციებს განეკუთვნება:

ა) სააგენტოს საქმიანობასთან დაკავშირებით იურიდიულ საკითხთა გადაწყვეტა და სააგენტოსთან დაკავშირებული საქმიანობის სამართლებრივი უზრუნველყოფა;

ბ) სააგენტოს წარმომადგენლობა ყველა ინსტანციის სასამართლოში;

გ) სააგენტოს ინდივიდუალური ადმინისტრაციულ-სამართლებრივი აქტების შემუშავება-მომზადებაში მონაწილეობის მიღება, სამართლებრივი ექსპერტიზა.

    მუხლი 12². საბუღალტრო სამსახური

ა) სააგენტოს ბუღალტრული აღრიცხვისა და ანგარიშგების წარმოება;

ბ) სააგენტოს საფინანსო-ეკონომიკური საქმიანობის მიზანმიმართულად განხორციელება;

გ) მატერიალურ ფასეულობათა, სახსრების სწორად და მიზნობრივი დანიშნულებით გამოყენებაზე კონტროლი;

დ) სააგენტოს ხარჯების მიზნობრიობის უზრუნველყოფა;

ე) მოსამსახურეთა სარგოს და სხვა გასაცემი თანხების დროული დარიცხვა და გაცემა;

ვ) ბუღალტრული ანგარიშის შედგენა და დაწესებულ ვადებში წარდგენა.“.

    მუხლი 2.

 ბრძანება ამოქმედდეს გამოქვეყნებისთანავე.

დ. ტყეშელაშვილი