საქართველოს შინაგან საქმეთა სამინისტროს საჯარო სამართლის იურიდიული პირის – დაცვის პოლიციის დეპარტამენტის მოსამსახურეთა და სამოქალაქო პირთა სოციალური დაცვისა და მატერიალური უზრუნველყოფის შესახებ

,,პოლიციის შესახებ“ საქართველოს კანონის, საქართველოს შრომის კოდექსის, ,,საქართველოს შინაგან საქმეთა სამინისტროს მოსამსახურეთა და სამოქალაქო პირთა სოციალური დაცვისა და მატერიალური უზრუნველყოფის შესახებ“ საქართველოს პრეზიდენტის 2005 წლის 23 დეკემბრის №1082 ბრძანებულების 27-ე პუნქტის საფუძველზე, საქართველოს შინაგან საქმეთა სამინისტროს საჯარო სამართლის იურიდიული პირის – დაცვის პოლიციის დეპარტამენტის (შემდგომში – დეპარტამენტი) სპეციალური წოდების მქონე მოსამსახურეთა (შემდგომში – მოსამსახურეები) და სამოქალაქო პირთათვის განისაზღვროს სოციალური დაცვისა და მატერიალური უზრუნველყოფის შემდეგი პირობები:

1. დეპარტამენტის მოსამსახურისა და სამოქალაქო პირის სოციალურ დაცვას უზრუნველყოფს საქართველოს შინაგან საქმეთა სამინისტროს საჯარო სამართლის იურიდიული პირი – დაცვის პოლიციის დეპარტამენტი.

2. დეპარტამენტის მოსამსახურისა და სამოქალაქო პირის სოციალური დაცვისა და მატერიალური უზრუნველყოფის პირობები განისაზღვრება საქართველოს მოქმედი კანონმდებლობითა და ამ ბრძანებით.

3. დეპარტამენტის მოსამსახურეს ეძლევა ყოველთვიური ფულადი სარგო – ხელფასი (თანამდებობრივი სარგო და წოდებრივი სარგო), ნამსახურები წლებისათვის ხელფასზე (ყოველთვიურ ფულად სარგოზე) ყოველთვიური დანამატი, საჭიროების შემთხვევაში დადგენილი ნორმით სასურსათო ულუფა, კანონმდებლობით დადგენილი სხვა დანამატები, კომპენსაციები და ფორმის ტანსაცმელი.

4. დეპარტამენტის სამოქალაქო პირს ეძლევა ყოველთვიური ფულადი სარგო – ხელფასი (თანამდებობრივი სარგო) და კანონმდებლობით დადგენილი დანამატები.

5. დეპარტამენტის შტატგარეშე მოსამსახურეთა ყოველთვიურ შრომით ანაზღაურებას ინდივიდუალურ ადმინისტრაციულ-სამართლებრივი აქტით განსაზღვრავს საქართველოს შინაგან საქმეთა სამინისტროს საჯარო სამართლის იურიდიული პირის – დაცვის პოლიციის დეპარტამენტის თავმჯდომარე.

6. ამ ბრძანების მე-3 პუნქტით გათვალისწინებული ფულადი კომპენსაცია არ მიეცემა სავალდებულო სამხედრო სამსახურის მოსამსახურეს, ხოლო ყაზარმული მდგომარეობის დროს (სამსახურის გავლის სპეციფიკიდან გამომდინარე კვების უზრუნველყოფის პერიოდში) დეპარტამენტის მოსამსახურეს უნარჩუნდება სასურსათო ულუფა.

7. დეპარტამენტის მოსამსახურეს, რომელიც სამსახურებრივი მოვალეობის შესრულებისათვის იყენებს სამსახურებრივ ან პირად საკუთრებაში არსებულ სატრანსპორტო საშუალებასა და მობილურ ტელეფონს, საწვავით და სასაუბრო დროის ბარათებით უზრუნველყოფს დეპარტამენტი საქართველოს შინაგან საქმეთა სამინისტროს საჯარო სამართლის იურიდიული პირის – დაცვის პოლიციის დეპარტამენტის თავმჯდომარის მიერ დადგენილი წესის შესაბამისად.

8. დეპარტამენტის მოსამსახურის პირად საკუთრებაში არსებულ სატრანსპორტო საშუალებას, რომელსაც იგი იყენებს სამსახურებრივი მოვალეობის შესრულებისათვის, მიმდინარე რემონტით უზრუნველყოფს დეპარტამენტი საქართველოს შინაგან საქმეთა სამინისტროს საჯარო სამართლის იურიდიული პირის – დაცვის პოლიციის დეპარტამენტის თავმჯდომარის მიერ დადგენილი წესის შესაბამისად.

9. დამტკიცდეს დეპარტამენტის მოსამსახურეთა სასურსათო უზრუნველყოფის თანდართული საორიენტაციო ნორმები (დანართი №1), რომლის უზრუნველყოფაც განხორციელდეს საქართველოს შინაგან საქმეთა სამინისტროს საჯარო სამართლის იურიდიული პირის – დაცვის პოლიციის დეპარტამენტის შემოსულობებიდან.

10. დამტკიცდეს დეპარტამენტის მოსამსახურეთა სანივთე ქონებით უზრუნველყოფის თანდართული საორიენტაციო ნორმები (დანართი №2), რომლის უზრუნველყოფაც განხორციელდეს საქართველოს შინაგან საქმეთა სამინისტროს საჯარო სამართლის იურიდიული პირის – დაცვის პოლიციის დეპარტამენტის შემოსულობებიდან.

11. დეპარტამენტის მოსამსახურესა და სამოქალაქო პირს შეიძლება მიეცეთ ფულადი ჯილდო (პრემია), აგრეთვე, განსაკუთრებულ შემთხვევებში, ერთჯერადი დახმარება, რომლის ოდენობას განსაზღვრავს საქართველოს შინაგან საქმეთა სამინისტროს საჯარო სამართლის იურიდიული პირის – დაცვის პოლიციის დეპარტამენტის თავმჯდომარე.

12. დეპარტამენტის მოსამსახურეს, რომელსაც უწევს სამსახურებრივი გადაადგილება რომელიმე სხვა ქალაქში, რაიონში ან დასახლებულ პუნქტში, რაც გათვალისწინებულია საცხოვრებელი ადგილის შეცვლასთან და ბინის დაქირავებასთან, ან სხვა გამონაკლის შემთხვევაში, ბინის დაქირავებისას, ოჯახის თითოეულ წევრზე (მეუღლე, არასრულწლოვანი შვილები), დეპარტამენტის თავმჯდომარის ინდივიდუალური ადმინისტრაციულ-სამართლებრივი აქტით ყოველთვიური კომპენსაციის სახით ეძლევა არა უმეტეს:

ა) ქ. თბილისში:

ოჯახის გარეშე – 310 ლარი;

ორწევრიანი ოჯახისათვის – 200 ლარი;

სამი და მეტი წევრის შემთხვევაში – 150 ლარი;

ბ) სხვა ქალაქებში:

ოჯახის გარეშე – 200 ლარი;

ორწევრიანი ოჯახისათვის – 130 ლარი;

სამი და მეტი წევრის შემთხვევაში – 100 ლარი;

გ) სხვა დასახლებულ პუნქტებში:

ოჯახის გარეშე – 130 ლარი;

ორწევრიანი ოჯახისათვის – 80 ლარი;

სამი და მეტი წევრის შემთხვევაში – 60 ლარი.

შენიშვნა: კომპენსაციის გაცემა განხორციელდეს ქირავნობის (პერიოდის მითითებით) და ბინაში მცხოვრები ოჯახის წევრთა რაოდენობის შესახებ შესაბამისი დამადასტურებელი დოკუმენტაციის, აგრეთვე გამქირავებლის (ფიზიკური პირის) გადასახადის გადამხდელად რეგისტრაციის მოწმობის წარმოდგენის საფუძველზე. იმ შემთხვევაში, თუ მოსამსახურისათვის ბინის დაქირავებას ახორციელებს საქართველოს შინაგან საქმეთა სამინისტროს საჯარო სამართლის იურიდიული პირი – დაცვის პოლიციის დეპარტამენტი, ბინის ქირის ღირებულება განისაზღვრება დეპარტამენტსა და გამქირავებელ (ფიზიკურ პირს) შორის გაფორმებული ხელშეკრულებით.

13. კადრების განკარგულებაში ყოფნის პერიოდში დეპარტამენტის მოსამსახურეს ბოლო დაკავებული თანამდებობის შესაბამისად უნარჩუნდება ხელფასი (ფულადი სარგო) არა უმეტეს ორი თვისა.

14. დეპარტამენტის მოსამსახურეს, რომელიც დათხოვნილია (გათავისუფლებულია) ზღვრული ასაკის მიღწევის, ავადმყოფობის, ლიკვიდაციის ან რეორგანიზაციის და შტატების შემცირების გამო, საქართველოს შინაგან საქმეთა სამინისტროს საჯარო სამართლის იურიდიული პირი დაცვის პოლიციის დეპარტამენტში ნამსახურები წლების (გარდა სავალდებულო სამხედრო სამსახურში ნამსახურები წლებისა) მიხედვით დეპარტამენტის თავმჯდომარის ინდივიდუალური ადმინისტრაციულ-სამართლებრივი აქტით ეძლევა ერთდროული (გასასვლელი) დახმარება შემდეგი ოდენობით:

ა) 2 წლამდე (არანაკლებ 6 თვისა) – 600 ლარი;

ბ) 2-დან 10 წლამდე – 700 ლარი;

გ) 10-დან 15 წლამდე – 800 ლარი;

დ) 15-დან 20 წლამდე – 900 ლარი;

ე) 20 წელი და მეტი – 1000 ლარი.

შენიშვნა: შრომითი ხელშეკრულების (კონტრაქტის) ვადის ამოწურვასთან დაკავშირებით დათხოვნისას (გათავისუფლებისას) ერთდროული (გასასვლელი) დახმარება არ გაიცემა.

15. დეპარტამენტის მოსამსახურეს, რომელიც დათხოვნილია (გათავისუფლებულია) პირადი განცხადების საფუძველზე და ნამსახურები აქვს არანაკლებ 10 წლისა, ეძლევა ერთდროული (გასასვლელი) დახმარება 400 ლარის ოდენობით.

16. დეპარტამენტის მოსამსახურეს და სამოქალაქო პირს დეპარტამენტის თავმჯდომარის ინდივიდუალური ადმინისტრაციულ-სამართლებრივი აქტის საფუძველზე შესაძლებელია ხელფასზე დაუწესდეს ყოველთვიური სპეციალური დანამატი.

17. დეპარტამენტის თავმჯდომარის სამართლებრივი ინდივიდუალური ადმინისტრაციულ-სამართლებრივი აქტით გრძელვადიანი მივლინებით სხვა სახელმწიფოში წარგზავნილ დეპარტამენტის მოსამსახურესა და სამოქალაქო პირს მოქმედი კანონმდებლობის შესაბამისად ეძლევათ გრძელვადიანი მივლინების ყოველთვიური თანხა. დეპარტამენტის მოსამსახურეს აგრეთვე მიეცემა შენახვის (პირველმოწყობის) ხარჯის დასაფარი თანხა. რომლის ოდენობასაც განსაზღვრავს დეპარტამენტის თავმჯდომარე. ამავდროულად, დეპარტამენტის მოსამსახურეს უნარჩუნდება შესაბამისი ფულადი სარგო, წელთა ნამსახურების დანამატი და კვების ულუფა ან შესაბამისი საკომპენსაციო თანხა, ხოლო სამოქალაქო პირს – თანამდებობრივი სარგო.

18. დეპარტამენტის მოსამახურეს საომარი მდგომარეობის დროს მოქმედ სამხედრო ნაწილში ყოფნის ან შეიარაღებულ კონფლიქტში უშუალო მონაწილეობის, ან მშვიდობიან პერიოდში სპეციალური დავალების შესრულების დროს, რომელიც გათანაბრებული იქნება საბრძოლო მოქმედებასთან, ერთი დღე ჩაეთვალოს ნამსახურობის სამ დღედ. ხოლო პირს, რომელიც უშუალოდ არ მონაწილეობდა შეიარაღებულ კონფლიქტში და იყო საბრძოლო მოქმედებისათვის მზადყოფნაში ან უზრუნველყოფდა საბრძოლო მოქმედებებს, ან იმყოფებოდა შეიარაღებული კონფლიქტის ზონაში სამშვიდობო ძალების შემადგენლობაში, ნამსახურობის ერთი დღე ჩაეთვალოს ორ დღედ. შესაბამისად, ფულადი სარგო დროის ამ პერიოდში მიეცეს სამმაგი ან ორმაგი ოდენობით.

19. სამხედრო ნაწილებსა და შენაერთებში, სპეციალური დანიშნულების რაზმებში, აგრეთვე ამ ბრძანების მე-18 პუნქტში მითითებული დეპარტამენტის მოსამსახურის მიერ შესაბამის ქვედანაყოფში სამსახურის გავლის განსაკუთრებული პირობები დგინდება საქართველოს კანონმდებლობით.

20. დეპარტამენტის მოსამსახურეს, რომელსაც ეძლევა შესაბამისად ფულადი სარგო ან თანამდებობრივი სარგო ორმაგი ან სამმაგი ოდენობით, მოქმედი კანონმდებლობით დადგენილი დანამატები და პენსია უანგარიშდება ფულადი სარგოს ერთმაგი ოდენობიდან.

21. დეპარტამენტის მოსამსახურეს კუთვნილი შვებულების დროს ეძლევა შესაბამისი ხელფასი (ფულადი სარგო), წელთა ნამსახურობისა და სხვა სპეციალური დანამატები და კომპენსაციები.

22. სამსახურებრივი მოვალეობის შესრულებისას მოსამსახურის დაღუპვის შემთხვევაში მისი ოჯახის წევრს (მემკვიდრეს) ან მის კმაყოფაზე მყოფ პირს დეპარტამენტის თავმჯდომარის ინდივიდუალური ადმინისტრაციულ-სამართლებრივი აქტით ეძლევა ერთჯერადი დახმარება 15 000 ლარის ოდენობით და დაკრძალვის (საფლავის მოწყობის) ხარჯები 500 ლარის ოდენობით.

23. მოსამსახურეს სამსახურებრივი მოვალეობის შესრულებისას სხეულის დაზიანების შემთხვევაში, დეპარტამენტის თავმჯდომარის ინდივიდუალურ ადმინისტრაციულ-სამართლებრივი აქტით ეძლევა ერთჯერადი დახმარება შემდეგი ოდენობით:

ა) სხეულის მძიმე დაზიანებისას – 7000 ლარი;

ბ) სხეულის ნაკლებად მძიმე დაზიანებისას – 3000 ლარი;

გ) სხეულის მსუბუქი დაზიანებისას – 1000 ლარი.

24. ამ ბრძანებით გათვალისწინებული ღონისძიებების ფინანსური უზრუნველყოფა განხორციელდეს საქართველოს შინაგან საქმეთა სამინისტროს საჯარო სამართლის იურიდიული პირის – დაცვის პოლიციის დეპარტამენტის შემოსულობებიდან.

25. ბრძანება ამოქმედდეს გამოქვეყნებისთანავე.

ი. მერაბიშვილი

დანართი №1

საქართველოს შინაგან საქმეთა სამინისტროს საჯარო სამართლის იურიდიული პირის _ დაცვის პოლიციის დეპარტამენტის მოსამსახურეთა სასურსათო უზრუნველყოფის ნორმები

მოსამსახურეთა ყოველთვიური სასურსათო ულუფა
	სურსათის დასახელება	ზომის ერთეული	რაოდენობა თვეში
	ხორცი	კგ.	4.5
	კარაქი	კგ.	1.0
	ზეთი	ლიტ.	1.0
	ბურღულეული და მაკარონის ნაწარმი	კგ.	2.0
	შაქარი	კგ.	1.3
	კარტოფილი	კგ.	7.5
	ბოსტნეული	კგ.	7.5
	თევზი	კგ.	2.3
	რძე შედედებული	კგ.	1.0
სპეციალური დანიშნულების ქვედანაყოფების მოსამსახურეთა სასურსათო იჯრა საყაზარმე კვების (კვებით უზრუნველყოფის) პირობებში
N№	სურსათის დასახელება	დღიური ნორმა ბრუტო გრ	ენერგეტიკული ღირებულება კკალ
1	პური I ხარისხის ფქვილისაგან	900	2124.0
2	ხორბლის ფქვილი I ხარისხის	10	32.8
3	ბურღულეული (ლობიო, ბარდა, წიწიბურა)	100	327.5
4	ბრინჯი	40	129.2
5	მაკარონის ნაწარმი	40	129.2
6	ხორცი	200	237.0
7	თევზი (უთავო)	100	103.0
8	რძე (რძის ფხვნილი)	200 (26)	116.0
9	არაჟანი	50	103.0
10	ხაჭო	30	46.8
11	ყველი	30	78.0
12	კვერცხი (ცალი)	2	157.0
13	შაქარი	70	262.5
14	კარაქი	40	299.2
15	მარგარინი და სხვა ცხიმი	10	74.5
16	მცენარეული ზეთი	20	179.8
17	კარტოფილი	500	290.5
18	კომბოსტო	120	26.88
19	ჭარხალი	30	11.66
20	სტაფილო	45	7.42
21	ხახვი	70	25.2
22	კიტრი, პომიდორი (სეზონურად)	80	14.4
23	ბადრიჯანი, ისპანახი, ფხალეული (სეზონურად)	40	8.16
24	მწვანილი	20	6.8
25	ნიორი	5	4.4
26	ხილის წვენი	100	55.0
27	კისელის კონცენტრატი	20	24.0
28	ხილი სხვადასხვა (სეზონურად)	200	90.1
29	ჩაი	2	0
30	ტომატ-პასტა	20	15.4
31	ძმარი	3	0
32	მარილი	20	0
33	წიწაკა, საკმაზ-სანელებლები	0.5	0
34	თაფლი	30	96.9
35	შოკოლადის ნაწარმი	100	195.8
36	კაკაოს ან ყავის კონცენტრატი	4	11.2
37	საფუარი, ჟელატინი	0.5	0
38	საკონდიტრო ნაწარმი (ჩანაცვლებით)	200
ს უ ლ		5283.29
განწესში მყოფ მოსამსახურეთა მშრალი სასურსათო იჯრა №1
№	სურსათის დასახელება	დღიური ნორმა ბრუტო გრ	ენერგეტიკული ღირებულება კკალ
1	ორცხობილა	100	75.0
2	ყავა (უნალექო)	2	5.6
3	შაქარი	20	80
ს უ ლ		160.6
ერთი პროდუქტის სხვა პროდუქტით შეცვლის ნორმა
	პროდუქტის დასახელება	რაოდენობა გრამებში
	ძირითადი	შემცვლელი
1	პური შავი (რუხი)	100
ორცხობილა, გალეტი		60
პურის ფქვილი (შავი)		70
პურის ფქვილი I ხარისხის		70
2	I ან უმაღლესი ხარისხის პური	100
ორცხობილა, გალეტი		65
I ხარისხის ფქვილი		75
უმაღლესი ხარისხის ფქვილი		70
3	პურის ფქვილი	100
ბრინჯი		100
მაკარონის ნაწარმი		100
მანანის ბურღული		100
4	მაკარონის ნაწარმი	100
ბრინჯი		100
მაკარონის ნაწარმი		100
ბურღულის და ბოსტნეულის კონცენტრატი		500
ახალი კარტოფილი		500
ახალი ბოსტნეული		500
დამწნილებული ბოსტნეული		500
5	მაკარონის ნაწარმი	100
ბრინჯი		100
სხადასხვა ბურღული და ლობიო		100
პურის ფქვილი		100
კარტოფილი და ბოსტნეული		500
6	ხორცი საქონლის, ღორის, ცხვრის	100
შაშხი		100
1 კატ. სუბპრ. (ელენთა, ღვიძლი, გული)		100
ფრინველის ხორცი		100
ხორცის კონსერვი		75
ახალი მარილიანი თევზი		150
შებოლილი ხორცი		60
II კატ. სუბპროდუქტი		200
ყველი		75
მოხარშული ძეხვი, სოსისი		80
7	თევზი	100
გამოუწელავი თავიანი თევზი		130
თევზის კონსერვი		80
შებოლილი თევზი		75
თევზის ფილე		70
ხორცი		67
გამხმარი თევზი		15
8	ცხოველური ცხიმები	100
მარგარინი		100
მცენარეული ზეთი		100
9	მცენარეული ზეთი	100
კულინარული ქონი		100
ცხოველური ცხიმი		100
მარგარინი		100
10	კარაქი	100
შპიკი		100
ყველი		100
მცენარეული ზეთი		50
11	რძე	100
რძის ფხვნილი		15
შედედებული რძე		20
არაჟანი		20
ხაჭო		30
კარაქი		5
12	კვერცხი (ცალი)	1
კვერცხის ფხვნილი		15
13	შაქარი	100
ჯემი, მურაბა		140
მარმელადი		130
კარამელი		50
14	ტომატის პასტა	100
ტომატის პიურე		200
ტომატის სოუსი		100
ტომატის წვენი, ახალი პომიდორი		500
15	ახალი ხილი	100
ხმელი ჩირი		20
საზამთრო		300
ნესვი		200
16	ხმელი ჩირი	100	75
შაქარი		3
და ჩაი
17	კისელი	100
შაქარი		50
და ჩაი		2
ხილის წვენი		250
18	ნატურალური ყავა	100
ხსნადი ყავა		40
ყავის სასმელი		200
კაკაოს ფხვნილი		100
ჩაი		25
19	კარტოფილი	100
ბოსტნეულის მწვანილი		100
მშრალი კარტოფილი		15
ბოსტნეულის კონსერვი		60
სხვადასხვა ბურღული		20
20	ბოსტნეული, ბოსტნეულის ჩირი	100
კარტოფილი		100
კარტოფილის ფხვნილი		15
სხვადასხვა ბურღული		20
21	ხახვი	100
ნიორი		50
22	ჩაი	1
ყავა სოიოს		2.5
23	საფუარი (ჟელატინი,სახამებელი)	1
ფქვილი პასირების II ხარისხის		10

დანართი №2

საქართველოს შინაგან საქმეთა სამინისტროს საჯარო სამართლის იურიდიული პირი _ დაცვის პოლიციის დეპარტამენტის მოსამსახურეთა სანივთო ქონებით უზრუნველყოფის საორიენტაციო ნორმები

	*რიგითი პოლიციელის უნიფორმა*
პოლიციის რიგითი შემადგენლობის სანივთე ქონებით უზრუნველყოფა
	№	*სანივთე ქონების დასახელება*	*ზომის ერთ.*	*ტარების ნორმები*
			*რა-ბა*	*ვადა (წელი)*

*სააღლუმო*
1	ქუდი კეპი (ზამთრის)	ცალი	1	3
2	პიჯაკი და შარვალი	კომპლ	1	3
3	პერანგი გ/მ	ცალი	1	1
4	პერანგი მ/მ	ცალი	1	1
5	ჰალსტუხი	ცალი	1	2
*ყოველდღიური*
1	ქუდი კოკარდით (ფურაშკა)	ცალი	1	2
2	ქუდი კეპი (ზამთრის)	ცალი	1	2
3	პერანგი გ/ს	ცალი	2	1
4	პერანგი მ/ს	ცალი	2	1
5	ფეხსაცმელი მ/ყ	ცალი	1	1
6	ფეხსაცმელი დ/ყ	ცალი	1	1
7	შარვალი ზამთრის	ცალი	1	1
8	შარვალი ზაფხულის	ცალი	1	1
9	პულავერი	ცალი	1	2
10	ქურთუკი	ცალი	1	2
11	ნახევარპალტო	ცალი	1	2
12	ჰალსტუხი	ცალი	1	1
13	სამხრე	ცალი	1	2
14	ქამარი (შარვლის)	ცალი	1	1
15	ქამარი აღჭურვილობით	1 კომ	1	3
16	ლაბადა საწვიმარი	ცალი	1	3
	*ოფიცერთა შემადგენლობის სანივთე ქონებით უზრუნველყოფა*
	№	*სანივთე ქონების დასახელება*	*ზომის ერთ.*	*ტარების ნორმები*
			*რა-ბა*	*ვადა (წელი)*

*სააღლუმო*
1	ქუდი კეპი (ზამთრის)	ცალი	1	3
2	პიჯაკი და შარვალი	კომპლ	1	3
3	პერანგი გ/ს	ცალი	1	1
4	პერანგი მ/ს	ცალი	1	1
5	ჰალსტუხი	ცალი	1	2
*ყოველდღიური*
1	ქუდი კოკარდით (ფურაშკა)	ცალი	1	2
2	ქუდი კეპი (ზამთრის)	ცალი	1	2
3	პერანგი გ/ს	ცალი	2	1
4	პერანგი მ/ს	ცალი	2	1
5	ფეხსაცმელი მ/ყ	ცალი	1	1
6	ფეხსაცმელი დ/ყ	ცალი	1	1
7	შარვალი ზამთრის	ცალი	1	1
8	შარვალი ზაფხულის	ცალი	1	1
9	პულავერი	ცალი	1	2
10	ქურთუკი	ცალი	1	2
11	ნახევარპალტო	ცალი	1	2
12	ჰალსტუხი	ცალი	1	1
13	სამხრე	ცალი	1	3
14	ლაბადა საწვიმარი	ცალი	1	3
15	პიჯაკი შარვლით	კომპლ	1	2
16	ქამარი (შარვლის)	ცალი	1	1