„მაუწყებლობის შესახებ“ საქართველოს კანონში ცვლილების შეტანის თაობაზე“

პროექტი საქართველოს კანონი „მაუწყებლობის შესახებ“ საქართველოს კანონში ცვლილების შეტანის თაობაზე“ მუხლი 1. „მაუწყებლობის შესახებ“ საქართველოს კანონის (საქართველოს საკანონმდებლო მაცნე, №5, 18.01.2005, მუხ. 19) 24-ე მუხლი მე-2 პუნქტი ჩამოყალიბდეს შემდეგი რედაქციით: „2. საქართველოს პარლამენტი საქართველოს პარლამენტის რეგლამენტით დადგენილი წესით ირჩევს ორ მეურვეს საქართველოს სახალხო დამცველის წარდგინებით, სამს – საპარლამენტო უმრავლესობაში შემავალი ფრაქცია/ფრაქციების წარდგინებით, სამს – საპარლამენტო ოპოზიციაში შემავალი იმ ფრაქციების წარდგინებით, რომლებშიც ყველაზე მეტი წევრია გაერთიანებული, ხოლო ერთს – აჭარის ავტონომიური რესპუბლიკის უმაღლესი საბჭოს წარდგინებით.“. მუხლი 2. ეს კანონი ამოქმედდეს საქართველოს პარლამენტის მომდევნო არჩევნებში არჩეული საქართველოს პარლამენტის უფლებამოსილების ცნობისთანავე. საქართველოს პრეზიდენტი თბილისი, 2020 წლის ... . სალომე ზურაბიშვილი

განმარტებითი ბარათი „მაუწყებლობის შესახებ” საქართველოს კანონში ცვლილების შეტანის თაობაზე“ საქართველოს კანონის პროექტზე ა) ზოგადი ინფორმაცია კანონპროექტის შესახებ: ა.ა) კანონპროექტის მიღების მიზეზი: ა.ა.ა) პრობლემა, რომლის გადაჭრასაც მიზნად ისახავს კანონპროექტი: კანონპროექტის მომზადება განპირობებულია საქართველოს პარლამენტის რეგლამენტში შესატანი ცვლილებიდან გამომდინარე. კერძოდ, რეგლამენტის პროექტის მიხედვით, უქმდება საპარლამენტო უმცირესობა და პარლამენტის ყველა ის წევრი, რომელიც არ შედის საპარლამენტო უმრავლესობაში, განეკუთვნება საპარლამენტო ოპოზიციას. აღნიშნულის შესაბამისად იცვლება საზოგადოებრივი მაუწყებლის სამეურვეო საბჭოს 3 წევრის წარმდგენი სუბიექტი და ასევე მეურვეთა არჩევის საქართველოს პარლამენტის რეგლამენტით დადგენილი წესი, რაც საჭიროებს შესაბამის ასახვას მაუწყებლობის შესახებ საქართველოს კანონში. რაც შეეხება უმრავლესობის მიერ წარდგენილ მეურვეობის 3 კანდიდატს, ამ შემთხვევაშიც, რეგლამენტში განხორციელებული ცვლილებებიდან გამომდინარე, იცვლება წარმდგენი სუბიექტი და საპარლამენტო უმრავლესობის ნაცვლად იქნება საპარლამენტო უმრავლესობაში შემავალი ფრაქცია/ფრაქციები. ა.ა.ბ) არსებული პრობლემის გადასაჭრელად კანონპროექტის მიღების აუცილებლობა: კანონპროექტით წარმოდგენილი ცვლილების განხორციელება აუცილებელია აღნიშნული კანონის შესაბამისობის უზრუნველსაყოფად საქართველოს პარლამენტის რეგლამენტთან. ვინაიდან რეგლამენტის პროექტით განსახორციელებელი ცვლილება გულისხმობს საზოგადოებრივი მაუწყებლის სამეურვეო საბჭოს წევრთა არჩევის წესის შეცვლას, აუცილებელია სათანადო ცვლილება შევიდეს „მაუწყებლობის შესახებ” საქართველოს კანონში. ა.ბ) კანონპროექტის მოსალოდნელი შედეგები: კანონპროექტის საქართველოს მიღების კანონის დაკავშირებული მოსალოდნელი პროექტში ჩანაწერის შედეგია სამეურვეო შეცვლა საბჭოს საქართველოს „მაუწყებლობის შესახებ” წევრთა წესთან არჩევის პარლამენტის რეგლამენტის პროექტის შესაბამისად. 1 ა.გ) კანონპროექტის ძირითადი არსი: კანონპროექტის მიხედვით, ცვლილება შედის „მაუწყებლობის შესახებ“ საქართველოს კანონის 24-ე მუხლის მე-2 პუნქტში. აღნიშნული პუნქტის მიხედვით, საქართველოს პარლამენტი სამეურვეო საბჭოს 9 წევრიდან, სამ მეურვეს ირჩევს საპარლამენტო უმრავლესობის (საპარლამენტო უმრავლესობის არარსებობის შემთხვევაში- საპარლამენტო ფრაქციების) წარდგინებით, ხოლო სამს - საპარლამენტო უმრავლესობის გარეთ დარჩენილ პარლამენტის წევრთა ერთი მეოთხედის წარდგინებით. იქიდან გამომდინარე, რომ საქართველოს პარლამენტის რეგლამენტში განხორციელებული ცვლილებების მიხედვით, უქმდება საპარლამენტო უმცირესობა და პარლამენტის ყველა ის წევრი, რომელიც არ შედის საპარლამენტო უმრავლესობაში, განეკუთვნება საპარლამენტო ოპოზიციას, სამეურვეო საბჭოს სამი წევრი აირჩევა საპარლამენტო ოპოზიციაში შემავალი იმ ფრაქციების წარდგინებით, რომლებშიც ყველაზე მეტი წევრია გაერთიანებული. რაც შეეხება უმრავლესობის მიერ წარდგენილ მეურვეობის 3 კანდიდატს, ამ შემთხვევაშიც, რეგლამენტში განხორციელებული ცვლილებებიდან გამომდინარე, იცვლება წარმდგენი სუბიექტი და საპარლამენტო უმრავლესობის ნაცვლად იქნება საპარლამენტო უმრავლესობაში შემავალი ფრაქცია/ფრაქციები. ა.დ) კანონპროექტის კავშირი სამთავრობო პროგრამასთან და შესაბამის სფეროში არსებულ სამოქმედო გეგმასთან, ასეთის არსებობის შემთხვევაში (საქართველოს მთავრობის მიერ ინიციირებული კანონპროექტის შემთხვევაში): ეს ქვეპუნქტი არ გამოყენება წარმოდგენილი კანონპროექტის მიმართ (პროექტი საქართველოს მთავრობის მიერ ინიციირებული არ არის); ა.ე) კანონპროექტის ძალაში შესვლის თარიღის შერჩევის პრინციპი, ხოლო კანონპროექტისთვის უკუძალის მინიჭების შემთხვევაში − აღნიშნულის თაობაზე შესაბამისი დასაბუთება: ვინაიდან წარმოდგენილ კანონპროექტში განსახორციელებელი ცვლილება გამომდინარეობს საქართველოს პარლამენტის რეგლამენტში შესატანი ცვლილებებიდან, რომელიც უნდა ამოქმედდეს საქართველოს პარლამენტის მომდევნო არჩევნებში არჩეული საქართველოს პარლამენტის უფლებამოსილების ცნობისთანავე, აუცილებელია რომ ანალოგიურად ამოქმედდეს ასევე „მაუწყებლობის შესახებ“ საქართველოს კანონში განსახორციელებელი ცვლილებები. ა.ვ) კანონპროექტის დაჩქარებული წესით განხილვის მიზეზები და შესაბამისი დასაბუთება (თუ ინიციატორი ითხოვს კანონპროექტის დაჩქარებული წესით განხილვას): ინიციატორი არ ითხოვს კანონპროექტის დაჩქარებული წესით განხილვას. 2 ბ) კანონპროექტის ფინანსური გავლენის შეფასება საშუალოვადიან პერიოდში (კანონპროექტის ამოქმედების წელი და შემდგომი 3 წელი): ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო: კანონპროექტის მიღება არ გამოიწვევს სახელმწიფო ბიუჯეტიდან დამატებითი ხარჯების გამოყოფას. ბ.ბ) კანონპროექტის გავლენა სახელმწიფო ან/და მუნიციპალიტეტის ბიუჯეტის საშემოსავლო ნაწილზე: კანონპროექტი გავლენას არ მოახდენს სახელმწიფო ან/და მუნიციპალიტეტის ბიუჯეტის საშემოსავლო ნაწილზე; ბ.გ) კანონპროექტის გავლენა სახელმწიფო ან/და მუნიციპალიტეტის ბიუჯეტის ხარჯვით ნაწილზე: კანონპროექტი გავლენას არ მოახდენს სახელმწიფო ან/და მუნიციპალიტეტის ბიუჯეტის ხარჯვით ნაწილზე. ბ.დ) სახელმწიფოს ახალი ფინანსური ვალდებულებები, კანონპროექტის გავლენით სახელმწიფოს ან მის სისტემაში არსებული უწყების მიერ მისაღები პირდაპირი ფინანსური ვალდებულებების (საშინაო ან საგარეო ვალდებულებები) მითითებით: კანონპროექტი არ ითვალისწინებს სახელმწიფოს მიერ ახალი ფინანსური ვალდებულებების აღებას. ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება, იმ ფიზიკურ და იურიდიულ პირებზე გავლენის ბუნებისა და მიმართულების მითითებით, რომლებზედაც მოსალოდნელია კანონპროექტით განსაზღვრულ ქმედებებს ჰქონდეს პირდაპირი გავლენა: კანონპროექტის მიღება არ გამოიწვევს ფინანსურ შედეგებს იმ პირთათვის, რომელთა მიმართაც ვრცელდება კანონპროექტის მოქმედება. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის (ფულადი შენატანის) ოდენობა შესაბამის ბიუჯეტში და ოდენობის განსაზღვრის პრინციპი: კანონპროექტი არ ითვალისწინებს გადასახადის, მოსაკრებლის ან სხვა სახის გადასახდელის შემოღებას. 3 გ) კანონპროექტის მიმართება საერთაშორისო სამართლებრივ სტანდარტებთან: გ.ა) კანონპროექტის მიმართება ევროკავშირის სამართალთან: კანონპროექტი არ ეწინააღმდეგება ევროკავშირის სამართალს; გ.ბ) კანონპროექტის მიმართება საერთაშორისო ორგანიზაციებში საქართველოს წევრობასთან დაკავშირებულ ვალდებულებებთან: კანონპროექტი არ ეწინააღმდეგება საერთაშორისო ორგანიზაციებში საქართველოს წევრობასთან დაკავშირებულ ვალდებულებებს; გ.გ) კანონპროექტის მიმართება ხელშეკრულებებთან და ხელშეკრულების/შეთანხმების საქართველოს ორმხრივ შეთანხმებებთან, არსებობის შემთხვევაში, და მრავალმხრივ აგრეთვე, ისეთი რომელსაც უკავშირდება კანონპროექტის მომზადება, − მისი შესაბამისი მუხლი ან/და ნაწილი: კანონპროექტი არ ეწინააღმდეგება საქართველოს ორმხრივ და მრავალმხრივ ხელშეკრულებებსა და შეთანხმებებს. ამასთანავე, პროექტის მიღება არ უკავშირდება საერთაშორისო ხელშეკრულებას/შეთანხმებას; გ.დ) არსებობის შემთხვევაში, ევროკავშირის ის სამართლებრივი აქტი, რომელთან დაახლოების ვალდებულებაც გამომდინარეობს „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებიდან“ ან ევროკავშირთან დადებული საქართველოს სხვა ორმხრივი და მრავალმხრივი ხელშეკრულებებიდან: ასეთი აქტი/ხელშეკრულება არ არსებობს; დ) კანონპროექტის მომზადების პროცესში მიღებული კონსულტაციები: დ.ა) სახელმწიფო, არასახელმწიფო ან/და საერთაშორისო ორგანიზაცია/ დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კანონპროექტის შემუშავებაში, ასეთის არსებობის შემთხვევაში: ასეთი არ არსებობს დ.ბ) კანონპროექტის შემუშავებაში მონაწილე ორგანიზაციის/ დაწესებულების, სამუშაო ჯგუფის, ექსპერტის შეფასება კანონპროექტის მიმართ, ასეთის არსებობის შემთხვევაში: ასეთი შეფასება არ არსებობს; 4 დ.გ) სხვა ქვეყნების გამოცდილება კანონპროექტის მსგავსი კანონების იმპლემენტაციის სფეროში, იმ გამოცდილების მიმოხილვა, რომელიც მაგალითად იქნა გამოყენებული კანონპროექტის მომზადებისას, ასეთი მიმოხილვის მომზადების შემთხვევაში: ასეთი მიმოხილვა არ მომზადებულა; ე) კანონპროექტის ავტორი: კანონპროექტის ავტორია პარლამენტის წევრები გიორგი კახიანი, გურამ მაჭარაშვილი და ირაკლი კობახიძე. ვ) კანონპროექტის ინიციატორი: საქართველოს პარლამენტის წევრები: ირაკლი კობახიძე, გიორგი კახიანი, მამუკა მდინარაძე, გურამ მაჭარაშვილი. 5