გადაწყვეტილება

საქმე№ 020210918002504424 (2/1162-18)

ბ რ ძ ა ნ ე ბ ა

საქართველოს სახელით

ლიზინგის საგნის გამცემის მფლობელობაში ლიზინგის

საგნის დაბრუნების შესახებ

 

22.06.2018 წელი ქ. ზუგდიდი

 

ზუგდიდის რაიონული სასამართლო

მოსამართლე ირაკლი აბშილავა

 

განმცხადებელი შპს ,,მო---’’

წარმომადგენელი ლე--–-------–----–--ე

 

მოპასუხე ია---------–----ა

 

მოთხოვნა - ლიზინგის საგნის გამცემის მფლობელობაში ლიზინგის საგნის დაბრუნება

 

ზეპირი მოსმენის გარეშე

 

გ ა მ ო ა რ კ ვ ი ა :

 

შპს ,,მო---’’ ითხოვს მოპასუხე ია---------–----ასაგან ლიზინგის საგნის დაბრუნების შესახებ ბრძანების მიღებას.

 

განმცხადებელი მიუთითებს შემდეგ ფაქტობრივ გარემოებებზე:

 

30.0-.2018 წ შპს ,,მო---სა” და ტარ---–--–-----იას შორის დაიდო ფინანსური ლიზინგის ხელშეკრულება №FL-------------.

 

ლიზინგის საგანია ავტოსატრანსპორტო საშუალება - SU----, მოდელი: F------R, V-- კოდი SG-------, გამოშვების წელი 200-, ძრავის მოცულობა 199---------------------------------–-------მერი P-------R .

 

აღნიშნული ავტომანქანა განმცხადებელმა 5000 ლარად შეიძინა ტარ---–--–-----იასათვის გადასაცემად.

 

მოპასუხეზე გაიცა ლიზინგის თანხა 5100 ლარის ოდენობით, თვეში 5,00 %-ის დარიცხვით. კრედიტის ვადა განისაზღვრა 30.0-.2023 წ. ლიზინგის თანხა უნდა დაფარულიყო ყოველთვიური 290.96 ლარის გადახდით, ხელშეკრულებაზე თანდართული გრაფიკის შესაბამისად.

 

ხელშეკრულებით ასევე განსაზღვრულია პირგასამტეხლო თანხის გადახდის ვადაგადაცილებისათვის.

 

2018 წლის 21 თებერბვალს შპს ,,მო---ს" ტარ---–--–-----იასა და ია---------–----ას შორის გაფორმდა ვალის გადაკისრების სამმხრივი ხელშეკრულება, რომლის საფუძველზეც 30.0-.2017 წელს გაფორმებული ფინანსური ლიზინგის N FL------------- ხელშეკრულებით წარმოშობილ სალიზინგო-სამართლებრივ ურთიერთობებში, ლიზინგის მიმღების ტარ---–--–-----იას ადგილი დაიკავა ია---------–----ამ და კანონის თანახმად, მასვე გადაეცა ლიზინგის მიმღების ყველა უფლება და ვალდებულება.

 

ია---------–----ას მიერ არ სრულდება ლიზინგის ხელშეკრულებების პირობები, გრაფიკის შესაბამისად არ დაუფარავს ლიზინგით გათვალისწინებული თანხა. დაირღვა მხარეთა შორის შეთანხმებული გრაფიკი.

 

18.06.2018 წ მდგომარეობით ია---------–----ას დავალიანება შეადგენს 6187.39 ლარს.

 

ლიზინგის მიმღებს გაეგზავნა წერილობითი შეტყობინებები დავალიანების შესახებ და განესაზღვრა დამატებითი ვადა მის შესასრულებლად, თუმცა უშედეგოდ.

 

განმცხადებელს გაღებული აქვს საპროცესო ხარჯები კერძოდ, გადახდილია სახ. ბაჟი 75.00 ლარი.

 

შპს ,,მო---’’ ითხოვს სასამართლომ გამოსცეს ბრძანება ია---------–----ას მფლობელობაში არსებული ავტოსატრანსპორტო საშუალების - ავტოსატრანსპორტო საშუალება - SU----, მოდელი: F------R, V-- კოდი SG-------, გამოშვების წელი 200-, ძრავის მოცულობა 199---------------------------------–-------მერი P-------R დაბრუნების შესახებ.

 

განსახილველ განცხადებას მოთხოვნის უფლების არსებობისა და მისი დასაბუთებულების დასადასტურებლად თან ერთვის შემდეგი მტკიცებულებები: ფინანსური ლიზინგის ხელშეკრულება, ცნობა დავალიანების შესახებ, ამონაწერი რეესტრიდან, შპს ,,მო---ს” მიერ გაცემული მინდობილობა, სახელმწიფო ბაჟის გადახდის დამადასტურებელი ქვითარი.

 

სასამართლომ, საქართველოს სამოქალაქო საპროცესო კოდექსის 3091-3097-ე მუხლების საფუძველზე, განიხილა შპს ''მო---ს'' განცხადება და თანდართული საბუთები და მიაჩნია, რომ განცხადება უნდა დაკმაყოფილდეს შემდეგ გარემოებათა გამო:

 

საქართველოს სამოქალაქო კოდექსის 576-ე მუხლის პირველი ნაწილის თანახმად, ლიზინგის ხელშეკრულებით, ლიზინგის გამცემი ვალდებულია ლიზინგის მიმღებს გადასცეს სარგებლობაში განსაზღვრული ქონება ხელშეკრულებით დათქმული ვადით. ლიზინგის მიმღები ვალდებულია გადაიხადოს საზღაური დადგენილი პერიოდულობით.

 

საქართველოს სამოქალაქო კოდექსის 580--ე მუხლის 1-ლი ნაწილის თანახმად ლიზინგის გამცემს შეუძლია მოშალოს ლიზინგის ხელშეკრულება, თუ ლიზინგის მიმღები არსებითად არღვევს თავის ვალდებულებებს. ამავე კოდექსის 5806-ე მუხლის 1-ლი ნაწილის საფუძველზე ლიზინგის ხელშეკრულების ვადაზე ადრე შეწყვეტისას ლიზინგის გამცემს უფლება აქვს, ქონება დაიბრუნოს მფლობელობაში და განკარგოს იგი.

 

სასამართლოს მიაჩნია, რომ წარმოდგენილი განცხადება აკმაყოფილებს საქართველოს სამოქალაქო საპროცესო კოდექსის 3092-ე მუხლის მოთხოვნებს, სახეზეა წამოყენებული მოთხოვნის დამადასტურებელი მტკიცებულებები და არსებობს განცხადების დაკმაყოფილების საფუძველი.

 

საქართველოს სამოქალაქო საპროცესო კოდექსის 53-ე მუხლის შესაბამისად იმ მხარის მიერ გაღებული ხარჯების გადახდა, რომლის სასარგებლოდაც იქნა გამოტანილი გადაწყვეტილება, ეკისრება მეორე მხარეს, თუნდაც ეს მხარე გათავისუფლებული იყოს სახელმწიფო ბიუჯეტში სასამართლო ხარჯების გადახდისაგან.

 

სასამართლომ იხელმძღვანელა საქართველოს სამოქალაქო საპროცესო კოდექსის 8-ე, 53-ე, 3091-3097-ე მუხლებით

ბ რ ძ ა ნ ე ბ ს:

 

1.შპს ,,მო---ს’’ განცხადება დაკმაყოფილდეს.

 

2. შპს ,,მო---ს”-ს’ (ს/ნ 4--------) დაუბრუნდეს ლიზინგის საგანი - ია---------–----ას მფლობელობაში არსებული ავტოსატრანსპორტო საშუალება - SU----, მოდელი: F------R, V-- კოდი SG-------, გამოშვების წელი 200-, ძრავის მოცულობა 199---------------------------------–-------მერი P-------R .

 

3. ბრძანება აღსრულდეს დაუყოვნებლივ, რისთვისაც გაიცეს სააღსრულებო ფურცელი.

 

4. ია---------–----ას შპს ,,მო---ს’’ სასარგებლოდ დაეკისროს 75 ლარის გადახდა.

 

5. ბრძანება შეიძლება გასაჩივრდეს ქუთაისის სააპელაციო სასამართლოში, მისი ასლის მხარისათვის გადაცემიდან 12 (თორმეტი) დღის ვადაში კერძო საჩივრის შეტანის გზით, ზუგდიდის რაიონული სასამართლოს მეშვეობით.

 

მოსამართლე ირაკლი აბშილავა