საქართველოს ეკონომიკისა და მდგრადი განვითარების სამინისტროს სახელმწიფო საქვეუწყებო დაწესებულების – ტურიზმისა და კურორტების დეპარტამენტის ლიკვიდაციის თაობაზე

საქართველოს მთავრობის

დადგენილება№237

2010 წლის 10 აგვისტო

ქ. თბილისი

საქართველოს ეკონომიკისა და მდგრადი განვითარების სამინისტროს სახელმწიფო საქვეუწყებო დაწესებულების – ტურიზმისა და კურორტების დეპარტამენტის ლიკვიდაციის თაობაზე

    მუხლი 1.

“საქართველოს მთავრობის სტრუქტურის, უფლება­მო­სილე­ბისა და საქმიანობის წესის შესახებ“ საქართველოს კანო­ნის 25-ე მუხლის მე-2 პუნქტის შესაბამისად, ლიკვიდირებულ იქნეს საქარ­თველოს ეკონომიკისა და მდგრადი განვითარების სამინის­ტროს სახელმწიფო საქვეუწყებო დაწესებულება – ტურიზმისა და კუ­­რორ­ტების დეპარტამენტი.

    მუხლი 2.

საქართველოს ეკონომიკისა და მდგრადი გან­ვი­თა­რების სა­მინისტრომ ამ დადგენილების ამოქმედებიდან ერთ თვე­ში უზ­რუნ­ველყოს საქართველოს ეკონომიკისა და მდგრადი გან­ვი­თა­რე­ბის სამინისტროს სახელმწიფო საქვეუწყებო დაწესე­ბუ­ლების – ტუ­რი­ზ­­მისა და კურორტების დეპარტამენტის ლიკვიდა­ცი­ასთან და­კავ­ში­რე­ბული კანონმდებლობით გათვალისწინებული ღო­ნის­ძიებე­ბის გან­ხორ­ციელება.

    მუხლი 3.

ძალადაკარგულად გამოცხადდეს საქართველოს ე­კო­­­­ნო­მი­­კური განვითარების მინისტრის 2009 წლის 20 ნოემბრის №1-1/2707 ბრძანება „საქართველოს ეკონომიკური განვითარების სა­მი­ნის­ტროს სახელმწიფო საქვეუწყებო დაწესებულების ტურიზმისა და კურორტების დეპარტამენტის დებულების დამტკიცების შესა­ხებ“.

    მუხლი 4.

დადგენილება, გარდა მე-2 მუხლისა, ამოქმედდეს სსიპ – საქართველოს ტურიზმის ეროვნული სააგენტოს დებულე­ბის ძა­ლა­ში შესვლის დღიდან, ხოლო მე-2 მუხლი ამოქმედდეს გა­მოქ­ვეყნებისთანავე.

პრემიერ-მინისტრი ნ. გილაური