კვოტების დამტკიცების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო სარეგისტრაციო კოდი 200.110.010.22.032.007.306
საქართველოს სოფლის მეურნეობისა და საქართვლოს ფინანსთა მინისტრების ერთობლივი
ბრძანება N 2-106/293
2005 წლის 20-26 აპრილი
ქ.თბილისი
კვოტების დამტკიცების შესახებ
საქართველოს საგადასახადო კოდექსის 230-ე მუხლის პირველი ნაწილის ”ჟ” ქვეპუნქტში მითითებული საგარეო-ეკონომიკური საქმიანობის სასაქონლო ნომენკლატურის კოდებით გათვალისწინებული საქონლის იმპორტის დამატებითი ღირებულების გადასახადისაგან გათავისულების მიზნით, ვბრძანებ:
1. დამტკიცდეს 2005 წლისათვის საქართველოს საგადასახადო კოდექსის 230-ე მუხლის პირველი ნაწილის ”ჟ” ქვეპუნქტში მითითებული საგარეო-ეკონომიკური საქმიანობის სასაქონლო ნომენკლატურის კოდებით გათვალისწინებული საქონლის ოდენობა დანართის შესაბამისად.
2. საქართველოს სოფლის მეურნეობის სამინისტრომ დანართში მოცემულ პროდუქციაზე კვოტების გაცემა აწარმოოს იმპორტიორის მხრიდან მომართვის, საქონლის წარმოშობისა და ხარისხის დამადასტურებელი სერტიფიკატების, საგადასახადო-საიდენტიფიკაციო კოდის და ტვირთის ჩამოტანის დამადასტურებელი დოკუმენტაციის ან ტვირთის შემოტანაზე მომწოდებლებთან გაფორმებული ხელშეკრულების საფუძველზე დადგენილი კვოტის ამოწურვამდე.
3. თითოეულ იმპორტიორზე წლის განმავლობაში გაცემული კვოტა არ უნდა აღემატებოდეს ბრძანების დანართით დადგენილი ცალკეული საქონლის ოდენობის 20 პროცენტს.
4. საქართველოს ფინანსთა სამინისტროს საბაჟო დეპარტამენტმა დანართში მითითებული თითოეული პარტიის განბაჟება მოახდინოს საქართველოს ფინანსთა და სოფლის მეურნეობის სამინისტროების ერთობლივი წერილის საფუძველზე.
მ. სვიმონიშვილი
ვ. ჩეჩელაშვილი
2005 წელს საქართველოს საგადასახადო კოდექსის 230-ე მუხლის პირველი ნაწილის ”ჟ” ქვეპუნქტში მითითებული საგარეო-ეკონომიკური საქმიანობის სასაქონლო ნომენკალტურის კოდებით გათვალისწინებული საქონლის ოდენობა
სასაქონლი კოდი
| 1. საინკუბაციო კვერცხი - 2 000 000 (ორი მილონი ცალი) | 040700 |
| 2. სოკოს მიცელიუმი – 2 (ორი) ტონა | 060290100 |
| 3. ლობიოს თესლი სულ 40 (ორმოცი) ტონა მათ შორის: |
|
| Vigna mungo (L.) hepper ან Vigna radiata (L) Wilzek სახეობის - 5(ხუთი) ტონა |
071331100 |
| ლობიო წვრილი წითელი (aZuuki) (phaseoius ან Vigna angularis) - 5(ხუთი) ტონა |
071332100 |
| ლობიო ჩვეულებრივი (Passoeolus vuldaris) – 20(ოცი) ტონა | 071333100 |
| ლობიო სხვა სახის – 10 (ათი) ტონა | 071339100 |
| 4. რბილი ხორბალი და მესლინი სათესლე – 3000 (სამი ათასი) ტონა | 100190910 |
| 5. ქერის თესლი – 800(რვაასი) ტონა | 100300100 |
| 6. მზეუმზირის თესლი – 150(ას ორმოცდაათი) ტონა | 120600 |
| 7. შვრიის თესლი – 10 (ათი) ტონა | 120923 |
| 8. ბოსტნეული კულტურების თესლი – 30 (ოცდაათი) ტონა | 120991 |
| 9. სპილენძის სულფატი (შაბიამანი) – 2000 (ორი ათსი) ტონა | 283325000 |
| 10. სპილენძის ნაერთების ფუძეზე დამზადევული პრეპარატები – 1000 (ათსი) ტონა | 380820100 |