სააქციო საზოგადოება ,,ზესტაფონის გ. ნიკოლაძის სახელობის ფეროშენადნობთა ქარხანაზე" რიცხული ვადაგადაცილებული საგადასახადო დავალიანებების რესტრუქტურიზაციის შესახებ

საქართველოს პრეზიდენტის

ბრძანებულება №688

1999 წლის 26 დეკემბერი

ქ. თბილისი

სააქციო საზოგადოება „ზესტაფონის გ. ნიკოლაძის სახელობის ფეროშენადნობთა ქარხანაზე“ რიცხული ვადაგადაცილებული საგადასახადო დავალიანებების რესტრუქტურიზაციის შესახებ

1. საფინანსო-ეკონომიკური მდგომარეობისა და გადახდის­უნარიანობის ამაღლების მიზნით, „საგადასახადო დავალიანებათა რესტრუქტურიზაციის შესახებ“ საქართველოს კანონის საფუძველზე, რესტრუქტურიზებულ იქნეს სააქციო საზოგადოება „ზესტაფონის გ. ნიკოლაძის სახელობის ფეროშენადნობთა ქარხანაზე“ 1999 წლის 1 აგვისტოს მდგომარეობით რიცხული ვადაგადაცილებული საგადასახადო დავალიანებები 831200 ლარის ოდენობით.

2. რესტრუქტურიზაციის პერიოდი განისაზღვროს 3 წლის ვადით (1999 წლის 1 აგვისტოდან 2002 წლის 1 აგვისტომდე). მათ შორის: გაყინვის პერიოდი – 1 წლის ვადით (1999 წლის 1 აგვისტოდან 2000 წლის 1 აგვისტომდე), გადავადების პერიოდი – 2 წლის ვადით (2000 წლის 1 აგვისტოდან 2002 წლის 1 აგვისტომდე).

ე. შევარდნაძე