1. დისციპლინური საქმის წარმოების შეწყვეტის შესახებ გადაწყვეტილება სადისციპლინო კოლეგიას გამოაქვს:
ა) მოსამართლის წინააღმდეგ აღძრული დისციპლინური დევნის, დისციპლინურ პასუხისგებაში მიცემის ან დისციპლინური სახდელის დაკისრების ვადების გასვლის გამო;
ბ) მოსამართლის დისციპლინურ პასუხისგებაში მიმცემი შესაბამისი უფლებამოსილი თანამდებობის პირის ან ორგანოს მიერ დისციპლინური ბრალდების მოხსნის შემთხვევაში;
გ) თუ მოსამართლე, ვის წინააღმდეგაც არის აღძრული დისციპლინური საქმე, ამ საქმის განხილვის დამთავრებამდე დატოვებს მოსამართლის თანამდებობას ან გადადგება, სადისციპლინო კოლეგია შეწყვეტს დისციპლინური საქმის წარმოებას იმის მიუხედავად, თუ განხილვის რა ეტაპზეა საქმე;
დ) თუ საქმის არსებითი განხილვის დროს ან მის დაწყებამდე – საქმის მასალების წინასწარი შესწავლისას აშკარა გახდა მოსამართლის ქმედობაში დანაშაულის ნიშნების არსებობა, სადისციპლინო კოლეგია საქმის მასალებს უგზავნის სისხლის სამართლის საქმის აღძვრისათვის უფლებამოსილ ორგანოს.
2. დისციპლინური საქმის წარმოების შეწყვეტის შესახებ გადაწყვეტილების მიღების უფლებამოსილება სადისციპლინო კოლეგიას აქვს მხოლოდ საქმის არსებითი განხილვის დასრულებამდე