ლანჩხუთის მუნიციპალიტეტის საკრებულოს 2008 წლის 2 აპრილის „ლანჩხუთის მუნიციპალიტეტის ტერიტორიაზე დასუფთავების მოსაკრებლის შემოღებისა და დასუფთავების მოსაკრებლის გადახდის ინსტრუქციის დამტკიცების შესახებ“ №11 დადგენილებაში ცვლილებების შეტანის შესახებ

სახელმწიფო სარეგისტრაციო კოდი 210.020.020.35.112.000.430

ლანჩხუთის მუნიციპალიტეტის საკრებულოს

დადგენილება №29

2010 წლის 12 აგვისტო

ქ. ლანჩხუთი

ლანჩხუთის მუნიციპალიტეტის საკრებულოს 2008 წლის 2 აპრილის „ლანჩხუთის მუნიციპალიტეტის ტერიტორიაზე დასუფთავების მოსაკრებლის შემოღებისა და დასუფთავების მოსაკრებლის გადახდის ინსტრუქციის დამტკიცების შესახებ“ №11 დადგენილებაში ცვლილებების შეტანის შესახებ

 „ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ბ“ და „დ“ ქვეპუნქტისა და 22-ე მუხლის პირველი პუნქტის „მ“ ქვეპუნქტის, აგრეთვე „ადგილობრივი მოსაკრებლების შესახებ“ საქართველოს კანონის მე-3 მუხლის და მე-12 პრიმა მუხლის შესაბამისად,

1. „ლანჩხუთის მუნიციპალიტეტის ტერიტორიაზე დასუფთავების მოსაკრებლის შემოღებისა და დასუფთავების მოსაკრებლის გადახდის ინსტრუქციის დამტკიცების შესახებ“ №11 დადგენილებაში შევიდეს შემდეგი ცვლილებები:

ა) დადგენილების სათაური ჩამოყალიბდეს შემდეგი რედაქციით:

„ლანჩხუთის მუნიციპალიტეტის ტერიტორიაზე დასახლებული ტერიტორიის დასუფთავების მოსაკრებლის შემოღებისა და დასუფთავების მოსაკრებლის გადახდის ინსტრუქციის დამტკიცების შესახებ“;

ბ) დადგენილების პირველი მუხლის „ბ“ პუნქტი ჩამოყალიბდეს შემდეგი რედაქციით:

 „ლანჩხუთის მუნიციპალიტეტის ტერიტორიაზე მრავალბინიან სახლებში მცხოვრები მოსახლეობისათვის დასუფთავების მოსაკრებლის განაკვეთი განისაზღვროს ერთ სულ მოსახლეზე 0,60 ლარით თვეში, ლანჩხუთის მუნიციპალიტეეტის ტერიტორიაზე მცხოვრები დანარჩენი მოსახლეობისათვის ერთ ოჯახზე 2,5 ლარით თვეში, თუ ოჯახი შედგება ერთი წევრისაგან, მოსაკრებლის განაკვეთი განისაზღვროს 1,5 ლარით თვეში. სოფელ გრიგოლეთის სეზონურ დამსვენებლებზე მოსაკრებლის რაოდენობა განისაზღვროს 1,5 ლარით თითოეულ დამსვენებელზე თვეში“.

2. ეს დადგენილება ამოქმედდეს გამოქვეყნებიდან მე-15 დღეს .

საკრებულოს თავმჯდომარე რ. ჩიტიძე