თბილისის კარდიოლოგიური საავადმყოფოს საპრივატიზებო სამედიცინო ობიექტების ნუსხიდან ამოღებისა და სრულიად საქართველოს საპატრიარქოსათვის უსასყიდლო უზუფრუქტის ფორმით გადაცემის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს პრეზიდენტის
ბრძანებულება №264
2001 წლის 6 ივლისი
ქ. თბილისი
თბილისის კარდიოლოგიური საავადმყოფოს საპრივატიზებო სამედიცინო ობიექტების ნუსხიდან ამოღებისა და სრულიად საქართველოს საპატრიარქოსათვის უსასყიდლო უზუფრუქტის ფორმით გადაცემის შესახებ
სოციალურად დაუცველი და უმწეო კატეგორიის მოსახლეობის სამედიცინო დახმარების გაუმჯობესების მიზნით:
1. მიღებულ იქნეს თბილისის კარდიოლოგიური საავადმყოფოს კოლექტივისა და საქართველოს საპატრიარქოს თხოვნა და მიზანშეწონილად ჩაითვალოს თბილისის კარდიოლოგიური საავადმყოფოს უსასყიდლო უზუფრუქტის ფორმით საქართველოს საპატრიარქოსათვის გადაცემა.
2. ამოღებულ იქნეს თბილისის კარდიოლოგიური საავადმყოფო �საქართველოს ჯანმრთელობის დაცვის ობიექტების პრივატიზების დაჩქარების შესახებ� საქართველოს პრეზიდენტის 1998 წლის 31 ოქტომბრის №615 ბრძანებულებით დამტკიცებული საპრივატიზაციო სამედიცინო ობიექტების ნუსხიდან.
3. საქართველოს სახელმწიფო ქონების მართვის სამინისტრომ (ლ. ძნელაძე), შრომის, ჯანმრთელობისა და სოციალური დაცვის სამინისტრომ (ა. ჯორბენაძე) და თბილისის მერიამ (ი. ზოდელავა) სამ თვეში უზრუნველყონ ამ ბრძანებულების შესრულება მოქმედი კანონმდებლობით დადგენილი წესით.
ე. შევარდნაძე