,,თვითმმართველი ქალაქ ფოთის (თვითმმართველი ერთეულის) ქონების ფლობის, განკარგვის და ქონებით სარგებლობის წესის, აუქციონში გამარჯვების დამადასტურებელი ოქმის, საკუთრების უფლების მოწმობის, აუქციონში მონაწილის განაცხადისა და მონაწილის ბილეთის ფორმების დამტკიცების შესახებ” თვითმმართველი ქალაქ ფოთის საკრებულოს 2010 წლის 28 ოქტომბრის №10/37 დადგენილებაში (სსმ V, №49, 11.11.2010წ. მუხლი 1443) ცვლილებების შეტანის თაობაზე

თვითმმართველი ქალაქ ფოთის საკრებულოს

დადგენილება №15/53

2010 წლის 29 დეკემბერი

ქ. ფოთი

„თვითმმართველი ქალაქ ფოთის (თვითმმართველი ერთეულის) ქონების ფლობის, განკარგვის და ქონებით სარგებლობის წესის, აუქციონში გამარჯვების დამადასტურებელი ოქმის, საკუთრების უფლების მოწმობის, აუქციონში მონაწილის განაცხადისა და მონაწილის ბილეთის ფორმების დამტკიცების შესახებ” თვითმმართველი ქალაქ  ფოთის  საკრებულოს  2010 წლის  28  ოქტომბრის  №10/37 დადგენილებაში (სსმ V, №49, 11.11.2010 წ. მუხლი 1443) ცვლილებების შეტანის თაობაზე

„ადგილობრივი თვითმმართველობის შესახებ” საქართველოს ორგანული კანონის 44-ე მუხლის პირველი პუნქტის და საქართველოს კანონის „ნორმატიული აქტების შესახებ” მე-20 მუხლის შესაბამისად,

    მუხლი 1

შეტანილ იქნეს ცვლილებები „თვითმმართველი ქალაქ ფოთის (თვითმმართველი ერთეულის) ქონების ფლობის, განკარგვის და ქონებით სარგებლობის წესის, აუქციონში გამარჯვების დამადასტურებელი ოქმის, საკუთრების უფლების მოწმობის, აუქციონში მონაწილის განაცხადისა და მონაწილის ბილეთის ფორმების დამტკიცების შესახებ” თვითმმართველი ქალაქ ფოთის საკრებულოს 2010 წლის 28 ოქტომბრის №10/37 დადგენილებაში (სსმ V, №49, 11.11.2010წ. მუხლი 1443) და ამ დადგენილებით დამტკიცებულ დებულებაში, კერძოდ:

1. დადგენილების სათაური შეიცვალოს და ჩამოყალიბდეს შემდეგი რედაქციით:

„თვითმმართველი ქალაქ ფოთის (თვითმმართველი ერთეულის) ქონების ფლობის, განკარგვის და ქონებით სარგებლობის წესის, აუქციონში გამარჯვების დამადასტურებელი ოქმის, საკუთრების უფლების მოწმობის ფორმების დამტკიცების შესახებ.”.

2. დადგენილების მე-2 მუხლი შეიცვალოს და ჩამოყალიბდეს შემდეგი რედაქციით:

„დამტკიცდეს აუქციონში გამარჯვების დამადასტურებელი ოქმის, საკუთრების უფლების მოწმობა დანართი 2 და 3-ისა.”.

3. შევიდეს ცვლილებები დადგენილებით დამტკიცებულ დანართი №1-ში, კერძოდ:

ა) პირველი მუხლის პირველი პუნქტი ამოღებულ იქნეს.

ბ) პირველი მუხლის მე-6 პუნქტი  შეიცვალოს და ჩამოყალიბდეს შემდეგი რედაქციით:

„6. აუქციონის ფორმით საპრივატიზებო ადგილობრივი თვითმმართველი ერთეულის ქონების საწყისი ფასი დგინდება „სახელმწიფო საკუთრებაში არსებული ქონების საპრივატიზებო და სარგებლობაში გადაცემის საფასურის განსაზღვრის წესის დამტკიცების შესახებ” საქართველოს პრეზიდენტის 2010 წლის 19 აგვისტოს №659 ბრძანებულების შესაბამისად.”.

გ) მე-5 მუხლის პირველი პუნქტი  შეიცვალოს და ჩამოყალიბდეს შემდეგი რედაქციით:

„1. ადგილობრივი თვითმმართველი ერთეულის ქონების აუქციონის ფორმით პრივატიზებისას გამყიდველსა და მყიდველის მიერ ხელმოწერილი აუქციონში გამარჯვების დამადასტურებელი ოქმი წარმოადგენს ადმინისტრაციული ორგანოს დაპირებას.”.

დ) მე-8 მუხლის პირველი პუნქტი ამოღებულ იქნეს.

ე) მე-8 მუხლის მე-7 პუნქტი შეიცვალოს და ჩამოყალიბდეს შემდეგი რედაქციით:

„7. თვითმმართველი ერთეულის ქონების კონკურენტული შერჩევის საფუძველზე პირდაპირი მიყიდვა ხორციელდება საქართველოს პრეზიდენტის გადაწყვეტილებით საქართველოს ეკონომიკისა და მდგრადი განვითარების სამინისტროს, განსაკუთრებულ შემთხვევაში კი – საქართველოს მთავრობის, წარდგინების საფუძველზე. საკითხს ამზადებს შესაბამისი თვითმმართველი ერთეულის აღმასრულებელი ორგანო.”.

ვ) მე-13 მუხლის პირველი პუნქტი ამოღებულ იქნეს.

ზ) მე-17 მუხლის მე-2 პუნქტი შეიცვალოს და ჩამოყალიბდეს შემდეგი რედაქციით:

„2. ქონების, როგორც სასყიდლით ისე უსასყიდლო აღნაგობის უფლებით გადაცემა შეიძლება ვადით, რომელიც არ უნდა აღემატებოდეს ოთხმოცდაცხრამეტ წელს.”.

თ) 23-ე მუხლის პირველი პუნქტი შეიცვალოს და ჩამოყალიბდეს შემდეგი რედაქციით:

„1. ადგილობრივი თვითმმართველი ერთეულის ქონების პრივატიზების, სარგებლობის უფლებით გადაცემის ან სხვაგვარად განკარგვის თაობაზე გადაწყვეტილებას იღებს საკრებულოს თავმჯდომარე.”.

4. დადგენილებით დამტკიცებული დანართი №2-ის მე-8 პუნქტი შეიცვალოს და ჩამოყალიბდეს შემდეგი რედაქციით:

„8. თუ მყიდველი დადგენილ ვადაში არ გადაიხდის ქონების საბოლოო თანხას აუქციონის შედეგები უქმდება და მყიდველს არ გადაეცემა საკუთრების უფლება ქონებაზე და შეტანილი უპირობო და გამოუხმობი საბანკო გარანტია/ბე არ დაუბრუნდება.”.

    მუხლი 2

ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                 ი. საღინაძე