“საქართველოს ეკონომიკისა და მდგრადი განვითარების სამინისტროს შიდა აუდიტის დეპარტამენტის დებულების დამტკიცების შესახებ” საქართველოს ეკონომიკისა და მდგრადი განვითარების მინისტრის 2010 წლის 28 ივლისის N 1–1/1261 ბრძანებაში ცვლილებებისა და დამატებების შეტანის თაობაზე

საქართველოს ეკონომიკ ისა და მდგრადი განვითარების მინისტრის

ბრძანება №1-1/232

2011 წლის 16 თებერვალი

ქ. თბილისი

 „საქართველოს ეკონომიკისა და მდგრადი განვითარების სამინისტროს შიდა აუდიტის დეპარტამენტის დებულების დამტკიცების შესახებ” საქართველოს ეკონომიკისა და მდგრადი განვითარების მინისტრის 2010 წლის 28 ივლისი ს№1–1/1261 ბრძანებაში ცვლილებებისა და დამატებების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „საქართველოს ეკონომიკისა და მდგრადი განვითარების სამინისტროს შიდა აუდიტის დეპარტამენტის დებულების დამტკიცების შესახებ” საქართველოს ეკონომიკისა და მდგრადი განვითარების 2010 წლის 28 ივლისი ს№1–1/1261 ბრძანებით (სსმ III, 28.07.2010,№92 მუხ. 1367) დამტკიცებულ „საქართველოს ეკონომიკისა და მდგრადი განვითარების სამინისტროს შიდა აუდიტის დეპარტამენტის დებულებაში” შეტანილ იქნეს შემდეგი ცვლილებები:

1. პირველი მუხლის მე-3 პუნქტი ჩამოყალიბდეს შემდეგი რედაქციით:

„3. დეპარტამენტი მოქმედებს შიდა აუდიტთან დაკავშირებული საკითხების განმხილველ საბჭოსთან (შემდგომში – საბჭო) კოორდინირებულად და ანგარიშვალდებულია მინისტრის წინაშე.”.

2. მე-3 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. რისკების შეფასების საფუძველზე დეპარტამენტი ამზადებს სტრატეგიულ და ყოველწლიურ შიდა აუდიტის გეგმებს მინისტრთან შეთანხმებით.

ა) შიდა აუდიტის სტრატეგიულ გეგმას შეიმუშავებს დეპარტამენტის უფროსი მინისტრთან შეთანხმებით;

ბ) შიდა აუდიტის წლიური გეგმა ეფუძნება შიდა აუდიტის სტრატეგიულ გეგმას და შეიცავს კონკრეტულ შიდა აუდიტორულ დავალებებს. შიდა აუდიტის წლიურ გეგმას ადგენს დეპარტამენტის უფროსი მინისტრთან შეთანხმებით.“.

ბ) მე-8 პუნქტი ჩამოყალიბდეს შემდეგი რედაქციით:

„8. შიდა აუდიტორული დავალების საფუძველზე განსახორციელებელი შიდა აუდიტი შესაძლებელია იყოს შემდეგი სახის:

ა) შესაბამისობის აუდიტი;

ბ) ოპერაციული აუდიტი;

გ) ეფექტიანობის აუდიტი;

დ) ფინანსური აუდიტი.“;

გ) მე-9 პუნქტი ჩამოყალიბდეს შემდეგი რედაქციით:

„9. შიდა აუდიტი ხორციელდება გასვლითი ან კამერალური აუდიტის მეთოდით.“;

დ) მე-15 პუნქტი ჩამოყალიბდეს შემდეგი რედაქციით:

„15. დეპარტამენტი უფლებამოსილია მინისტრთან და საბჭოსთან შეთანხმებით ოფიციალურ ბეჭდვით ორგანოში გამოაქვეყნოს შიდა აუდიტორული დასკვნა, ანგარიში და/ან მოხსენება.“;

ე) მე-16 პუნქტი ამოღებულ იქნეს;

ვ) მე-19 პუნქტი ჩამოყალიბდეს შემდეგი რედაქციით:

„19. დეპარტამენტი თანამშრომლობს სხვა სახელმწიფო ორგანოებთან, არასამთავრობო ორგანიზაციებთან და მასობრივი ინფორმაციის საშუალებებთან.“.

3. მე-3 მუხლს დაემატოს 9¹ და 9² პუნქტები შემდეგი რედაქციით:

„9¹. შიდა აუდიტის მიზნებიდან გამომდინარე, შიდა აუდიტი ხორციელდება თემატური ან კომპლექსური აუდიტის ფორმით.

9^2. შიდა აუდიტისა და ინსპექტირების ჩატარების ვადა, როგორც წესი, არ უნდა აღემატებოდეს 90 კალენდარულ დღეს. მინისტრმა ეს ვადა შეიძლება გააგრძელოს ერთხელ, არა უმეტეს 30 კალენდარული დღით.“.

4. მე-4 მუხლის:

ა) მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) შეიმუშავებს და მინისტრს შესათანხმებლად წარუდგენს შიდა აუდიტის საქმიანობის სტრატეგიულ და წლიურ გეგმებს;“;

ბ) „თ „ და ,,ი“ ქვეპუნქტები ამოღებულ იქნეს;

გ) „ნ“ ქვეპუნქტი ჩამოყალიბდეს შემდეგი რედაქციით:

„ნ) მინისტრსა და საბჭოს წარუდგენს ყოველწლიურ ანგარიშს დეპარტამენტის მიერ გაწეული მუშაობის შესახებ:“.

5. მე-6 მუხლის მე-3 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) დაიცვას აუდიტის სტანდარტები, შიდა აუდიტორთა ეთიკის კოდექსი, შიდა აუდიტის მარეგულირებელი კანონმდებლობა, შიდა აუდიტის განხორციელების მეთოდოლოგია.“.

 6. მე-7 მუხლის პირველი პუნქტი ჩამოყალიბდეს შემდეგი რედაქციით:

 „1. დეპარტამენტი ამ დებულებით მინიჭებული უფლებამოსილების ფარგლებში მოქმედებს საბჭოსთან კოორდინირებულად და ანგარიშვალდებულია მინისტრის წინაშე.”.

მუხლი 2. ბრძანება, გარდა პირველი მუხლის მე-2 პუნქტის „ბ” ქვეპუნქტით გათვალისწინებული მე-3 მუხლის მე-8 პუნქტის „გ” ქვეპუნქტისა,ამოქმედდეს გამოქვეყნებისთანავე, ხოლო ბრძანების პირველი მუხლის მე-2 პუნქტის „ბ” ქვეპუნქტით გათვალისწინებული მე-3 მუხლის მე-8 პუნქტის „გ” ქვეპუნქტი ამოქმედდეს 2012 წლის პირველი იანვრიდან.

მინისტრის პირველი მოადგილე       ა. კეკელია