„2011-2012 სასწავლო წლისათვის სახელმწიფო სასწავლო გრანტის სრული და ნაწილობრივი ოდენობების განსაზღვრის შესახებ“ საქართველოს მთავრობის 2010 წლის 8 დეკემბრის №379 დადგენილებაში ცვლილების შეტანის თაობაზე

საქართველოს მთავრობის

დადგენილება №253

2011 წლის 27 ივნისი

ქ. თბილისი

„2011-2012 სასწავლო წლისათვის სახელმწიფო სასწავლო გრანტის სრული და ნაწილობრივი ოდენობების განსაზღვრის შესახებ“ საქართველოს მთავრობის 2010წლის 8 დეკემბრის №379 დადგენილებაში ცვლილების შეტანის თაობაზე

მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „2011-2012 სასწავლო წლისათვის სახელმწიფო სასწავლო გრანტის სრული და ნაწილობრივი ოდენობების განსაზღვრის შესახებ“ საქართველოს მთავრობის 2010 წლის 8დეკემბრის№379 დადგენილებ აში (სსმ, 13/12/2010) შეტანილ იქნეს ცვლილებ ა და დამატება:

1. პირველი მუხლის მე-18 პუნქტი ჩამოყალიბდეს შემდეგი რედაქციით:

„18. ამ დადგენილების მე-14–მე-17პუნქტებით გათვალისწინებული განაწილება ხდება ერთიანი ეროვნული გამოცდების ყოველი არჩევითი საგნის მიხედვით. ამ განაწილების შედეგად ყოველი არჩევითი საგნის მიხედვით დარჩენილი თანხები იკრიბება და განაწილდება ერთიანი ეროვნული გამოცდების ყოველ არჩევით საგანზე ამ დადგენილების მე-5პუნქტით გათვალისწინებული თანხის93პროცენტის ამ დადგენილების მე-6პუნქტით გათვალისწინებული განაწილების შედეგად მიღებული პროპორციით ნაწილობრივი ოდენობის მინიმალური ოდენობით (30 პროცენტი) დაფინანსებისათვის.“.

2. პირველ მუხლს დაემატოს შემდეგი შინაარსის 24-ე პუნქტი:

„24. სტუდენტთა საგრანტო კონკურსის საფუძველზე, სტუდენტის მიერ სრული სახელმწიფო სასწავლო გრანტის, ნაწილობრივი სახელმწიფო სასწავლო გრანტის ან ნაწილობრივი სასწავლო გრანტის ოდენობის გაზრდის უფლების მოპოვებაზე არ ვრცელდება ამ დადგენილების პირველი მუხლის მე-6 პუნქტით გათვალისწინებულ მიმართულებებზე ან დარგებზე/სპეციალობებზე არსებული შეზღუდვა.“.

მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი  ნ. გილაური