ჩხოროწყუს მუნიციპალიტეტის სიმბოლოების (გერბი, დროშა) დამტკიცების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
ცვლილებები (1)
დოკუმენტის ტექსტი
ჩხოროწყუს მუნიციპალიტეტის საკრებულოს
დადგენილება № 18
2011 წლის 4 ივლისი
დ აბა ჩხოროწყუ
ჩხოროწყუს მუნიციპალიტეტის სიმბოლოების (გერბი, დროშა) დამტკიცების შესახებ
„ადგილობრივი თვითმმართველობის შესახებ“ საქართველოს ორგანული კანონის მე-8 მუხლის პირველი და მე-2 პუნქტების შესაბამისად, საქართველოს პარლამენტთან არსებული ჰერალდიკის სახელმწიფო საბჭოს თანხმობის საფუძველზე , ჩხოროწყუს მუნიციპალიტეტის საკრებულომ დაადგინა:
1. დამტკიცდეს ჩხოროწყუს მუნიციპალიტეტის სიმბოლოები (გერბი, დროშა) თანდართული დანართის შესაბამისად.
2. დადგენილება ძალაში შევიდეს გამოქვეყნებისთანავე.
საკრებულოს თავმჯდომარე გ. ლემონჯავა
ჩხოროწყუს მუნიციპალიტეტის გერბი
გერბის ფარი წარმოადგენს ლაჟვარდის ველს, რომელსაც მარჯვნიდან კვეთს ცხრა შემცირებული ვერცხლის ყაბიწი. ყაბიწების ზემოთ ლაჟვარდის ველზე ოქროს საწმისია მოთავსებული. ქვემოთ ლაჟვარდის ველზე სამი ოქროს ფუტკარია გამოსახული, ერთი ორზე.
გერბის ფარს ზემოთ მოთავსებულია საქალაქო ვერცხლის გვირგვინი – სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია ჭიშკრით.
ფარს ქვემოთ მოთავსებულია გერბის დევიზის ვერცხლ-ლაჟვარდის ბაფთა, რომლის ვერც ხ ლის ველზე შავად ჩაწერილია „ჩხოროწყუ“.
ჩხოროწყუს მუნიციპალიტეტის დროშა
დროშის ლაჟვ ა რდის ველს მარჯვნიდან კვეთს ცხრა შემცირებული ყვითელი ყაბიწი. დროშის პროპორცია არის 2:3.