ზესტაფონის მუნიციპალიტეტის სიმბოლოების - გერბისა და დროშის დამტკიცების შესახებ

  ზესტაფონის მუნიციპალიტეტის საკრებულო ს

დადგენილება №3

2012 წ ლის 27 იანვარი

ქ. ზესტაფონი

ზესტაფონის მუნიციპალიტეტის სიმბოლოების – გერბისა და დროშის დამტკიცების შესახებ

,,ადგილობრივი თვითმმართველობის შესახებ’’ საქართველოს ორგანული კანონის მე-8 მუხლის მე-2 პუნქტისა და 43-ე მუხლის მე-2 პუნქტის შესაბამისად, ზესტაფონის მუნიციპალიტეტის საკრებულომ დაადგინა:

მუხლი 1

დამტკიცდეს ზესტაფონის მუნიციპალიტეტის სიმბოლოები (გერბი და დროშა) და მათი აღწერილობა (დანართი № 1, დანართი № 2), საქართველოს პარლამენტთან არსებული ჰერალდიკის სახელმწიფო საბჭოს 2012 წლის 9 იანვრის № 02 (შემ. № 27, 10.01.12) წერილის (თანხმობის) შესაბამისად.

მუხლი 2

დადგენილება ამოქმედდეს გამოქვეყნებისთანავე.

საკრებულოს თავმჯდომარე მ. მასხარაშვილი

დანართი 1

 

 

 

 

 

ზესტაფონის მუნიციპალიტეტის გერბის აღწერილობა

გერბის ფარის ზურმუხტოვან ველს სამ ნაწილად ჰყოფს ვერცხლის ორთითასებრი ჰერალდიკური ჯვარი, რომელზეც მოთავსებულია მცირე ფარი – მეწამულ ველზე ოქროს სამკოშკიანი ციხე-სიმაგრე.

გერბის ფარს ზემოთ მოთავსებულია საქალაქო ვერცხლის გვირგვინი – სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია ჭიშკრით.

ფარს ქვემოთ მოთავსებულია გერბის დევიზის ვერცხლ-ზურმუხტოვანი ბაფთა, რომლის ვერცხლის ველზე შავად ჩაწერილია დევიზი ,,ზესტაფონი’’.

 

დანართი 2

 

ზესტაფონის მუნიციპალიტეტის დროშის აღწერილობა

დროშის მწვანე ველს სამ ნაწილად ჰყოფს მარჯვნივ გადაბრუნებული ვერცხლის ორთითასებრი ჰერალდიკური ჯვარი.

დროშის პროპორციაა 2:3