ჭიათურის მუნიციპალიტეტის სიმბოლოების - გერბისა და დროშის დამტკიცების შესახებ

საქართველოს ორგანული კანონის „ადგილობრივი თვითმმართველობის კოდექსი“ მე-8 მუხლისა და 61-ე მუხლის მე-2 ნაწილის შესაბამისად,

1. დამტკიცდეს საქართველოს პარლამენტთან არსებულ ჰერალდიკის სახელმწიფო საბჭოსთან შეთანხმებული ჭიათურის მუნიციპალიტეტის სიმბოლოები – გერბი და დროშა  (დანართი №1).

2. დამტკიცდეს ჭიათურის მუნიციპალიტეტის გერბის აღწერილობა №2 დანართის შესაბამისად.

3. დამტკიცდეს ჭიათურის მუნიციპალიტეტის დროშის აღწერილობა №3 დანართის შესაბამისად.

4. ჭიათურის მუნიციპალიტეტის გერბისა და დროშის გამოყენება/დაცვა განხორციელდეს მოქმედი კანონმდებლობით დადგენილი წესით.

5. ჭიათურის მუნიციპალიტეტის გერბისა და დროშის ორიგინალების შენახვის ადგილად განისაზღვროს ჭიათურის მუნიციპალიტეტის საკრებულოს აპარატი.

დადგენილება ამოქმედდეს გამოქვეყნებისთანავე.

ჭიათურის მუნიციპალიტეტის გერბი

ჭიათურის მუნიციპალიტეტის გერბის აღწერილობა

გერბის ფარი გაყოფილია სამ არათანაბარ ნაწილად. მარცხენა მწვანე ველზე გამოსახულია ბოლნურ-კაცხური ჯვარი; მარჯვენა ლაჟვარდოვან ველზე გამოსახულია ვერცხლის კაცხის სვეტი, ხოლო კაცხის სვეტის თავზე ოქროსფერით გამოსახულია ბაზილიკა. გერბის ქვედა შავ ველზე, რომელიც გერბის ფარის 1/3 ნაწილს წარმოადგენს, გამოსახულია მაღაროს მადნით დატვირთული სამი ოქროსფერი ვაგონი.

ჭიათურის მუნიციპალიტეტის დროშის აღწერილობა

დროშა ჰორიზონტალურად გაყოფილია ორ თანაბარ ნაწილად. მარცხენა ნაწილი წარმოადგენს მწვანე ველს, ხოლო მარცხენა ლაჟვარდოვან ველს. დროშის მწვანე ველის ზედა მარცხენა კუთხეში გამოსახულია ბოლნურ-კაცხური ჯვარი.