საქართველოს შინაგან საქმეთა მინისტრის 2006 წლის 21 ივნისის №786 ბრძანებით დამტკიცებულ საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციის დებულებაში ცვლილების შეტანის შესახებ

საქართველოს შინაგან საქმეთა მინისტრის

ბრძანება №219

2012 წლის 21 მარტი

ქ. თბილისი

საქართველოს შინაგან საქმეთა მინისტრის 2006 წლის 21 ივნისის №786 ბრძანებით დამტკიცებულ საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციის დებულებ აში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის და „საქართველოს შინაგან საქმეთა სამინისტროს დებულების დამტკიცების შესახებ” საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის „ა“ და „ნ“ ქვეპუნქტების საფუძველზე, ვბრძანებ:

მუხლი 1. „საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციის დებულების დამტკიცების შესახებ” საქართველოს შინაგან საქმეთა მინისტრის 2006 წლის 21 ივნისის №786 ბრძანებით (ვებგვერდი სსმ, 84, 23/06/2006) დამტკიცებულ დებულებაში შეტანილ იქნეს შემდეგი ცვლილებ ა:

 1) დებულების მე-6 მუხლის მე-5 პუნქტი ს „ლ“ ქვეპუნქტი ჩამოყალიბდეს შემდეგი რედაქციით:

„ლ)მედიასა და საზოგადოებასთან ურთიერთობის სამსახური”.

2) დებულების მე-10 მუხლს დაემატოს „კ“ ქვეპუნქტი და ჩამოყალიბდეს შემდეგი რედაქციით:

„კ) უზრუნველყოფს სტრუქტურული ერთეულებისა და დანაყოფების მომსახურეთა სამედიცინო-პროფილაქტიკურ შემოწმებას, სანიტარიულ-ჰიგიენურ, ეპიდსაწინააღმდეგო ღონისძიებათა ჩატარებას და მოსამსახურეებისა და მათი ოჯახის წევრების სამედიცინო დაზღვევის საკითხებში სადაზღვევო კომპანიასთან თანამშრომლობის კოორდინაციას.“

3) დებულების მე-18 მუხლი ჩამოყალიბდეს შემდეგი რედაქციით:

„მუხლი 18. მედიასა და საზოგადოებასთან ურთიერთობის სამსახური

მედიასა და საზოგადოებასთან ურთიერთობის სამსახური:

ა) მასობრივი საინფორმაციო საშუალებებით მოიპოვებს ინფორმაციას, აანალიზებს მას და წარუდგენს სასაზღვრო პოლიციის უფროსს;

ბ) საზოგადოებასა და მასმედიას ინფორმაციას აწვდის სასაზღვრო პოლიციაში მიმდინარე პროცესების თაობაზე;

გ) უზრუნველყოფს სასაზღვრო პოლიციის ვებგვერდის მუშაობას;

დ) ხელს უწყობს საზოგადოებაში სასაზღვრო პოლიციის შესახებ ობიექტური აზრის ჩამოყალიბებას;

ე) სასაზღვრო პოლიციის სახელით კომპეტენციის ფარგლებში გასცემს საჯარო ინფორმაციას.“

მუხლი 2.ბრძანება ამოქმედდეს გამოქვეყნებისთანავე.

ი. მერაბიშვილი