,,აფხაზეთის ავტონომიური რესპუბლიკის ფინანსთა სამინისტროს დებულების დამტკიცების შესახებ“ აფხაზეთის მთავრობის 2007 წლის 28 მარტის N18 დადგენილებაში ცვლილებების შეტანის თაობაზე

აფხაზეთის ავტონომიური რესპუბლიკის მთავრობის

 დადგენილება №6

 2013  წლის  13 მარტი

ქ. თბილისი

,,აფხაზეთის ავტონომიური რესპუბლიკის ფინანსთა სამინისტროს დებულების დამტკიცების შესახებ“ აფხაზეთის მთავრობის 2007 წლის 28 მარტის №18 დადგენილებაში ცვლილებების შეტანის თაობაზე

 მუხლი 1. ,,ნორმატიული აქტების შესახებ“ საქართველოს კანონის მე-20 მუხლისა და  ,,ნორმატიული აქტების შესახებ“ აფხაზეთის ავტონომიური რესპუბლიკის კანონის მე-18 მუხლის  შესაბამისად, ,,აფხაზეთის ავტონომიური რესპუბლიკის ფინანსთა სამინისტროს დებულების დამტკიცების შესახებ“ აფხაზეთის მთავრობის 2007 წლის 28 მარტის №18 დადგენილებით (,,აფხაზეთის ავტონომიური რესპუბლიკის საკანონმდებლო მაცნე“, №8,  2.04.2007წ.,  მუხლი  22)  დამტკიცებულ დებულებაში შეტანილ იქნეს შემდეგი ცვლილებები:

1.  დებულების მე-5 მუხლის პირველი პუნქტის ,,ა“ ქვეპუნქტი ამოღებულ იქნეს.

2. დებულების მე-10 მუხლის ,,დ“ პუნქტი ჩამოყალიბდეს შემდეგი რედაქციით:

,,დ) საქმისწარმოების ორგანიზება, რაც მოიცავს: დოკუმენტბრუნვის ორგანიზაციას; დოკუმენტების საინფორმაციო-საძიებო სისტემის შექმნას; დოკუმენტების შესრულების კონტროლს; საქმეთა ნომენკლატურის შედგენასა და საქმეთა ფორმირებას; დოკუმენტების მომზადებას არქივში გადასაცემად;  სამინისტროს სისტემაში საქმისწარმოებაზე პასუხისმგებელი თანამშრომლებისა და სტრუქტურული ერთეულების საქმიანობის კოორდინაცია და მეთოდური ხელმძღვანელობა;“.

3. დებულების 14¹ მუხლის მე-2პუნქტის ,,ნ“ ქვეპუნქტი  ჩამოყალიბდეს შემდეგი რედაქციით:

,,ნ) სამინისტროს სპეციფიკიდან გამომდინარე, სხვა ისეთი საქმიანობის განხორციელება, რომლებიც არ ეწინააღმდეგება საქართველოსა და აფხაზეთის ავტონომიური რესპუბლიკის კანონმდებლობას, ,,სახელმწიფო შიდა ფინანსური კონტროლის შესახებ“ საქართველოს კანონის მიზნებსა და შიდა აუდიტის დამოუკიდებლობის პრინციპებს.“.

4. დებულების 14¹ მუხლის მე-3 პუნქტი  ამოღებულ იქნეს.

 მუხლი 2. დადგენილება ძალაშია გამოქვეყნებისთანავე.

აფხაზეთის ავტონომიური რესპუბლიკის

 მთავრობის თავმჯდომარის მოვალეობის

შემსრულებელი                                                                      თამაზ კვარაცხელია