„ქ. სიღნაღში მიმდინარე რეაბილიტაციის სამუშაოთა ხელშეწყობის შესახებ“ საქართველოს მთავრობის 2007 წლის 7 მარტის №125 განკარგულებაში ცვლილებისა და დამატების შეტანის თაობაზე

საქართველოს მთავრობის

განკარგულება№205

2007 წლის 9 მაისი

ქ. თბილისი

„ქ. სიღნაღში მიმდინარე რეაბილიტაციის სამუშაოთა ხელშეწყობის შესახებ“საქართველოს მთავრობის 2007 წლის 7 მარტის №125 განკარგულებაში ცვლილებისა და დამატების შეტანის თაობაზე

მუხლი 1. „ქ. სიღნაღში მიმდინარე რეაბილიტაციის სამუშაოთა ხელშეწყობის შესახებ“ საქართველოს მთავრობის 2007 წლის 7 მარტის №125 განკარგულებაში შეტანილ იქნეს შემდეგი ცვლილება და დამატება:

1. განკარგულების პრეამბულა ჩამოყალიბდეს ახალი რედაქციით:

„ქ. სიღნაღის რეაბილიტაციის სამუშაოთა ხელშეწყობის მიზნით „ლიცენზიებისა და ნებართვების შესახებ“საქართველოს კანონის პირველი მუხლის მე-2 პუნქტისა და „სახელმწიფო შესყიდვების შესახებ“საქართველოს კანონის მე-10 მუხლის მე-3 პუნქტის „ე“ქვეპუნქტის შესაბამისად:“.

2. განკარგულებას დაემატოს 3¹ პუნქტი შემდეგი რედაქციით:

„3¹. სახელმწიფოებრივი და საზოგადოებრივი მნიშვნელობის გათვალისწინებით საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულმა საჯარო სამართლის იურიდიულმა პირმა – საქართველოს ჯანმრთელობისა და სოციალური დაცვის პროექტების განმახორციელებელმა ცენტრმა უზრუნველყოს სიღნაღის საავადმყოფო პოლიკლინიკური გაერთიანების (შპს „ჯანმრთელობა“, ქ. სიღნაღი, დ. აღმაშე-ნებლის №15) შენობის სარეაბილიტაციო სამუშაოების განხორციელება და 2007 წლის 1 აგვისტომდე ამ სამუშაოთა დასრულება. ამ მიზნით სახელმწიფო შესყიდვა განხორციელდეს ერთ პირთან მოლაპარაკების საშუალებით „საქართველოს 2007 წლის სახელმწიფო ბიუჯეტის შესახებ“საქართველოს კანონის 52-ე მუხლით გათვალისწინებული სამედიცინო და სამინისტროს სისტემის დაწესებულებათა რეაბილიტაციისა და აღჭურვის პროგრამის (საბიუჯეტო კოდი 35 29 02) ასიგნების ფარგლებში.“.

მუხლი 2. განკარგულება ძალაშია ხელმოწერის დღიდან.

პრემიერ-მინისტრი                     ზ. ნოღაიდელი