საქართველოს საგარეო საქმეთა სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ

საქართველოს მთავრობის

განკარგულება №214

2005 წლის 31 მაისი

ქ. თბილისი

საქართველოს საგარეო საქმეთა სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ

საქართველოს ფინანსთა სამინისტრომ (ვ. ჩეჩელაშვილი) „საქართველოს 2005 წლის სახელმწიფო ბიუჯეტის შესახებ“საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს საგარეო საქმეთა სამინისტროს გამოუყოს:

- იტალიის რესპუბლიკაში საქართველოს საელჩოს ნორმალური ფუნქციონირებისათვის 35 000 (ოცდათხუთმეტი ათასი) ლარი;

- საქართველოს მოქალაქეობის მინიჭების წესის შესახებ სატელევიზიო კლიპის მომზადებასთან დაკავშირებული ხარჯების ასანაზღაურებლად 30 000 (ოცდაათი ათასი) ლარი;

- საფრანგეთის რესპუბლიკაში ლევილის ადგილმამულის საქართველოსათვის გადმოცემასთან დაკავშირებით გაწეული ხარჯების ასანაზღაურებლად 12 167 (თორმეტი ათას ას სამოცდაშვიდი) ევროს ეკვივალენტი თანხა ლარობით;

- რუსეთის ფედერაციაში საქართველოს საელჩოს მატერიალურ-ტექნიკური ბაზის განმტკიცებისათვის 50 000 (ორმოცდაათი ათასი) აშშ დოლარის ეკვივალენტი თანხა ლარობით.

პრემიერ-მინისტრი            ზ. ნოღაიდელი