ბათუმი-ახალციხის საავტომობილო გზის მე-100 კმ-ში სოფელ დანისპარაულთან, მდინარე საფრისწყალზე, დროებითი გადასასვლელის მოწყობის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №586
2009 წლის 5 აგვისტო
ქ. თბილისი
ბათუმი-ახალციხის საავტომობილო გზის მე-100 კმ-ში სოფელ დანისპარაულთან, მდინარე საფრისწყალზე, დროებითი გადასასვლელის მოწყობის შესახებ
1. ბათუმი-ახალციხის საავტომობილო გზის მე-100 კმ-ში სოფელ დანისპარაულთან, მდინარე საფრისწყალზე, დროებითი გადასასვლელის მოწყობის მიზნით საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა 2009-2010 წლებში უზრუნველყოს:
ა) ბათუმი-ახალციხის საავტომობილო გზის მე-100 კმ-ში სოფელ დანისპარაულთან, მდინარე საფრისწყალზე, დროებითი გადასასვლელის მოწყობა;
ბ) სამუშაოების დროულად შესრულების მიზნით პარალელურ რეჟიმში საპროექტო და აღდგენითი სამუშაოების ჩატარება. აღდგენითი სამუშაოების სახელმწიფო შესყიდვა განხორციელდეს ერთ პირთან მოლაპარაკების საშუალებით „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის შესაბამისად.
2. პირველ პუნქტში გათვალისწინებულ სამუშაოთა დაფინანსება განხორციელდეს საქართველოს საავტომობილო გზების დეპარტამენტისათვის 2009-2010 წლებში შესაბამისი სახელმწიფო ბიუჯეტით გზების რეაბილიტაციის სამუშაოებისათვის გამოყოფილ ასიგნებათა ფარგლებში.
პრემიერ-მინისტრი ნიკა გილაური