2009 წლის რთვლის ხელშეწყობის ღონისძიებათა შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №684
2009 წლის 18 სექტემბერი
ქ. თბილისი
2009 წლის რთვლის ხელშეწყობის ღონისძიებათა შესახებ
1. 2009 წლის რთვლის ღონისძიებათა წარმატებით განხორციელების მიზნით საქართველოს ეკონომიკური განვითარების სამინისტრომ ,,საქართველოს 2009 წლის სახელმწიფო ბიუჯეტის შესახებ“საქართველოს კანონით სახელმწიფო პროგრამა „იაფი კრედიტისათვის“გათვალისწინებული ასიგნებების 8 200 000 (რვა მილიონ ორასი ათასი) ლარით შემცირების ხარჯზე განახორციელოს შემდეგი საწარმოების კაპიტალის ზრდა:
ა) შპს ,,რთველი 2008“– 5 000 000 (ხუთი მილიონი) ლარის ოდენობით (საიდენტიფიკაციო ნომერი – 231 289 290);
ბ) სს ,,აკურა“– 3 200 000 (სამი მილიონ ორასი ათასი) ლარის ოდენობით (საიდენტიფიკაციო ნომერი – 231 165 583).
2. საქართველოს ფინანსთა სამინისტრომ„საქართველოს საბიუჯეტო სისტემის შესახებ“საქართველოს კანონის შესაბამისად საქართველოს ეკონომიკური განვითარების სამინისტროს მიერ წარდგენილი წინადადებების საფუძველზე განახორციელოს სათანადო ცვლილებები საქართველოს 2009 წლის სახელმწიფო ბიუჯეტის კვარტალურ განწერაში.
პრემიერ-მინისტრი ნიკა გილაური