ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ

საქართველოს მთავრობის

განკარგულება №70

2007 წლის 14 თებერვალი

ქ. თბილისი

ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ

1. „საქართველოს 2007 წლის სახელმწიფო ბიუჯეტის შესახებ“ საქართველოს კანონის 42-ე მუხლის მე-8 პუნქტით საქართველოს რეგიონებში განსახორციელებელი პროექტებისათვის გათვალისწინებული ასიგნებებიდან საქართველოს ფინანსთა სამინისტრომ (ა. ალექსიშვილი) იმერეთის მხარეში განსახორციელებელი პროექტებისათვის გამოყოს 15 000 000 (თხუთმეტი მილიონი) ლარი, აქედან:

ა) ქ. ქუთაისის მერიისათვის – 9 000 000 (ცხრა მილიონი) ლარი შემდეგი პროექტების განსახორციელებლად:

ა.ა) სკოლების გაზიფიცირება;

ა.ბ) სპორტის სასახლის საკომუნიკაციო სამუშაოები;

ა.გ) გზის საფარის შეკეთება-რეაბილიტაცია;

ა.დ) ღვარსადენის რეაბილიტაცია;

ა.ე) საკანალიზაციო ქსელის რეაბილიტაცია;

ა.ვ) ქალაქის გაზიფიკაციის სამუშაოები;

ა.ზ) მრავალსართულიანი საცხოვრებელი სახლების გადახურვა;

ა.თ) ფასადების კაპიტალური შეკეთება;

ბ) ბაღდათის მუნიციპალიტეტის გამგეობისათვის – 380 000 (სამას ოთხმოცი ათასი) ლარი შემდეგი პროექტების განსახორციელებლად:

ბ.ა) წყალსადენის ახალი ქსელის მოწყობა დებეტის შესავსებად;

ბ.ბ) ქალაქის ცენტრის კეთილმოწყობა;

გ) ვანის მუნიციპალიტეტის გამგეობისათვის – 350 000 (სამას ორმოცდაათი ათასი) ლარი შიდა დანიშნულების გზებისა და ხიდ-ბოგირების სარემონტო სამუშაოების შესასრულებლად;

დ) თერჯოლის მუნიციპალიტეტის გამგეობისათვის – 500 000 (ხუთასი ათასი) ლარი ქალაქის ცენტრში სპორტ-კომპლექსის ასაშენებლად;

ე) სამტრედიის მუნიციპალიტეტის გამგეობისათვის – 350 000 (სამას ორმოცდაათი ათასი) ლარი შემდეგი პროექტების განსახორციელებლად:

ე.ა) ქალაქის შემოსასვლელი გზის შეკეთება აბაშის მხრიდან (კოსტავას ქუჩის 650-მეტრიანი მონაკვეთის მოპირკეთება ასფალტ-ბეტონის საფარით);

ე.ბ) რკინიგზის დასახლების გაზიფიცირება;

ე.გ) კრავეიშვილის ქუჩის, აგრარული ბაზრის ცენტრალური შესასვლელისა და მიმდებარე ტერიტორიის მოპირკეთება;

ვ) საჩხერის მუნიციპალიტეტის გამგეობისათვის – 300 000 (სამასი ათასი) ლარი ჭიდაობა-კრივის ინტეგრირებული დარბაზის კაპიტალური შეკეთების სამუშაოთა შესასრულებლად;

ზ) წყალტუბოს მუნიციპალიტეტის გამგეობისათვის – 370 000 (სამას სამოცდაათი ათასი) ლარი შემდეგი პროექტების განსახორციელებლად:

ზ.ა) ქალაქის შემოსასვლელის კეთილმოწყობა;

ზ.ბ) ცენტრალური პარკის რეაბილიტაცია;

ზ.გ) ქვიტირის გარე განათება;

ზ.დ) ქალაქის ცენტრალური ქუჩების განათება;

თ) ჭიათურის მუნიციპალიტეტის გამგეობისათვის – 3 000 000 (სამი მილიონი) ლარი შემდეგი პროექტების განსახორციელებლად:

თ.ა) უბნებში შემავალი გზების (12 ქუჩა) შეკეთება-რეაბილიტაცია;

თ.ბ) მრავალსარულიანი სახლების გადახურვა;

თ.გ) ცენტრალური სკვერის კეთილმოწყობა;

თ.დ) საბავშვო მინი-ატრაქციონების დამონტაჟება;

თ.ე) გარე განათებისა და ფასადების მოწესრიგება აღნიშნულ ქუჩებზე;

ი) ხარაგაულის მუნიციპალიტეტის გამგეობისათვის – 350 000 (სამას ორმოცდაათი ათასი) ლარი დაბა ხარაგაულის საავტომობილო გზების კეთილმოწყობის (ასფალტ-ბეტონის საფარის მოწყობით) სამუშაოების შესასრულებლად;

კ) ხონის მუნიციპალიტეტის გამგეობისათვის – 400 000 (ოთხასი ათასი) ლარი შემდეგი პროექტების განსახორციელებლად:

კ.ა) თვითდინებადი წყალსადენის სათავე ნაგებობის გაფართოება 200 გრძივი მეტრით;

კ.ბ) წყალსადენის ქსელებისა და მარეგულირებელი ჭების რეაბილიტაცია.

2. განკარგულების შესრულების კონტროლი განახორციელოს საქართველოს ფინანსთა სამინისტრომ (ა. ალექსიშვილი). ასევე, კონტროლის განხორციელება ეთხოვოს საქართველოს პრეზიდენტის სახელმწიფო რწმუნებულს საქართველოს ადმინისტრაციულ-ტერიტორიულ ერთეულებში ა. ბობოხიძეს (ქ. ქუთაისი, ჭიათურის, ტყიბულის, წყალტუბოს, ბაღდათის, ვანის, ზესტაფონის, თერჯოლის, სამტრედიის, საჩხერის, ხარაგაულისა და ხონის მუნიციპალიტეტები).

პრემიერ-მინისტრი                                                 ზ. ნოღაიდელი