ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ

საქართველოს მთავრობის

განკარგულება №64

2007 წლის 6 თებერვალი

ქ. თბილისი

ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ

1. „საქართველოს 2007 წლის სახელმწიფო ბიუჯეტის შესახებ“ საქართველოს კანონის 42-ე მუხლის მე-8 პუნქტით საქართველოს რეგიონებში განსახორციელებელი პროექტებისათვის გათვალისწინებული ასიგნებებიდან საქართველოს ფინანსთა სამინისტრომ (ა. ალექსიშვილი) გამოყოს:

ა) სიღნაღის მუნიციპალიტეტის გამგეობისათვის 6 325 600 (ექვსი მილიონ სამას ოცდახუთი ათას ექვსასი) ლარი ქ. სიღნაღის სარეაბილიტაციო სამუშაოთა წარმოების უზრუნველსაყოფად;

ბ) სამეგრელოსა და ზემო სვანეთის მხარეში განსახორციელებელი პროექტებისათვის 5 000 000 (ხუთი მილიონი ლარი), აქედან:

ბ.ა) მესტიის მუნიციპალიტეტის გამგეობას გამოეყოს 320 000 (სამას ოცი ათასი) ლარი საკანალიზაციო სისტემის რეაბილიტაციისა და ფასადების შეკეთება-შეღებვისათვის;

ბ.ბ) ჩხოროწყუს მუნიციპალიტეტის გამგეობას გამოეყოს 260 000 (ორას სამოცი ათასი) ლარი სანიაღვრე არხების მოწყობისათვის, გარე განათების ქსელის რეაბილიტაციისა და ფასადების შეკეთება-შეღებვისათვის;

ბ.გ) წალენჯიხის მუნიციპალიტეტის გამგეობას გამოეყოს 280 000 (ორას ოთხმოცი ათასი) ლარი წყალსადენის შიდა ქსელის რეაბილიტაციისა და ფასადების შეკეთება-შეღებვისათვის;

ბ.დ) აბაშის მუნიციპალიტეტის გამგეობას გამოეყოს 210 000 (ორას ათი ათასი) ლარი ქალაქის წყალსატუმბი სადგურის, გარე განათების ქსელის რეაბილიტაციისა და ფასადების შეკეთება-შეღებვისათვის;

ბ.ე) მარტვილის მუნიციპალიტეტის გამგეობას გამოეყოს 370 000 (სამას სამოცდაათი ათასი) ლარი საკანალიზაციო სისტემის, გარე განათების ქსელისა და გზების რეაბილიტაციის, საცხოვრებელი კორპუსების გადახურვისა და ნაპირსამაგრი სამუშაოებისათვის;

ბ.ვ) სენაკის მუნიციპალიტეტის გამგეობას გამოეყოს 300 000 (სამასი ათასი) ლარი სანიაღვრე არხების რეაბილიტაციისათვის;

ბ.ზ) ზუგდიდის მუნიციპალიტეტის გამგეობას გამოეყოს 3 260 000 (სამი მილიონ ორას სამოცი ათასი) ლარი სანიაღვრე არხების, გარე განათების ქსელისა და გზების რეაბილიტაციის, აგრეთვე ფასადების შეკეთება-შეღებვისათვის.

2. განკარგულების შესრულების კონტროლი განახორციელოს საქართველოს ფინანსთა სამინისტრომ (ა. ალექსიშვილი). ასევე, კონტროლის განხორციელება ეთხოვოთ შესაბამისად საქართველოს პრეზიდენტის სახელმწიფო რწმუნებულებს საქართველოს ადმინისტრაციულ-ტერიტორიულ ერთეულებში გ. ნაცვლიშვილს (ახმეტის, გურჯაანის, დედოფლისწყაროს, თელავის, ლაგოდეხის, საგარეჯოს, სიღნაღის, ყვარლის მუნიციპალიტეტები), ზ. გოროზიას (ქ. ფოთის, ზუგდიდის, აბაშის, მარტვილის, მესტიის, სენაკის, ჩხოროწყუს, წალენჯიხის, ხობის მუნიციპალიტეტები).

პრემიერ-მინისტრი                                                          ზ. ნოღაიდელი