კვალის ქუჩის ნაწილის ქ. თბილისში, რუსთაველის გამზირ №29-ში მდებარე შენობა-ნაგებობებზე დამაგრებისა და განკარგვისათვის თანხმობის გაცემის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №75
2007 წლის 14 თებერვალი
ქ. თბილისი
კვალის ქუჩის ნაწილის ქ. თბილისში, რუსთაველის გამზირ №29-ში მდებარე შენობა-ნაგებობებზე დამაგრებისა და განკარგვისათვის თანხმობის გაცემის შესახებ
„სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ“ საქართველოს კანონის მე-3 მუხლის მე-4 პუნქტის „ა“ ქვეპუნქტის თანახმად, იმის გათვალისწინებით, რომ გამიზნულია კვალის ქუჩის შესაბამისი ნაწილის მოქცევა რუსთაველის გამზირის №29-ში მდებარე შენობა-ნაგებობების წითელ ხაზებში მიწის ნაკვეთის აღნიშნულ შენობა-ნაგებობებზე დასამაგრებლად:
1. მიეცეს თანხმობა ქ. თბილისის მერიას, რომ ქ. თბილისში, რუსთაველის გამზირის №29-ში მდებარე შენობა-ნაგებობების წითელი ხაზების დადგენისას მის საზღვრებში მოაქციოს კვალის ქუჩის შესაბამისი ნაწილი, როგორც შენობა-ნაგებობებზე დამაგრებული მიწის ფართობი შემდგომი პრივატიზების მიზნით.
2. საქართველოს ეკონომიკური განვითარების სამინისტრომ მოახდინოს ამ განკარგულების პირველი პუნქტის შესაბამისად დადგენილი წითელი ხაზების საფუძველზე შენობა-ნაგებობებისა და მათზე დამაგრებული მიწის ნაკვეთის სათანადო რეგისტრაცია საჯარო რეესტრის ეროვნული სააგენტოს შესაბამის სამსახურში.
პრემიერ-მინისტრი ზ. ნოღაიდელი