თურქეთის რესპუბლიკის ტერიტორიაზე არსებული ქართული კულტურული მემკვიდრეობის ძეგლების რეაბილიტაციის შესახებ

საქართველოს მთავრობის

განკარგულება№297

2008 წლის 7 მაისი

ქ. თბილისი

თურქეთის რესპუბლიკის ტერიტორიაზე არსებული ქართული კულტურული მემკვიდრეობის ძეგლების რეაბილიტაციის შესახებ

1. თურქეთის რესპუბლიკის ტერიტორიაზე არსებული ქართული კულტურული მემკვიდრეობის ძეგლების – ართვინის ილის ს. ფირნალის ფორთას (ხანძთის) ტაძრისა და ერზრუმის ილის უზუნდერეს ილჩეში ს. ჩამლიამაჩში მდებარე ოშკის ტაძრის რეაბილიტაციის მიზნით „სახელმწიფო შესყიდვების შესახებ“საქართველოს კანონის მე-10 მუხლის მე-3 პუნქტის „ე“ქვეპუნქტის შესაბამისად საქართველოს კულტურის, ძეგლთა დაცვისა და სპორტის სამინისტრომ მისთვის „საქართველოს 2008 წლის სახელმწიფო ბიუჯეტის შესახებ“საქართველოს კანონით განსაზღვრული ასიგნებათა ფარგლებში 2009 წლის 1 ივნისამდე უზრუნველყოს აღნიშნული ძეგლების კვლევითი, არქეოლოგიური და პრევენციული კონსერვაციის (წინასწარი გამაგრებითი) სამუშაოთა წარმოებისა და საპროექტო დოკუმენტაციის შემუშავებისათვის საჭირო შესყიდვების განხორციელება ერთ პირთან მოლაპარაკების საშუალებით.

2. განკარგულება ძალაშია ხელმოწერის დღიდან.

პრემიერ-მინისტრი                       ვ. გურგენიძე