ევროკავშირის სურსათისა და ცხოველთა საკვების სწრაფი განგაშის სისტემაში (RASFF) ინტეგრაციის უზრუნველყოფის ღონისძიებათა შესახებ

საქარველოს მთავრობის

განკარგულება №828

2008 წლის 3 დეკემბერი

ქ. თბილისი

ევროკავშირის სურსათისა და ცხოველთა საკვების სწრაფი განგაშის სისტემაში (RASFF) ინტეგრაციის უზრუნველყოფის ღონისძიებათა შესახებ

სასურსათო უზრუნველყოფის პროგრამის ერთ-ერთ შესას­რულებელ პირობას სოფლის მეურნეობის კუთხით წარმოად­გენს ევროკავშირის სურსათისა და ცხოველთა საკვების სწრა­ფი განგაშის სისტემასთან RASFF) ინტეგრირება.

ევროკავშირის სურსათისა და ცხოველთა საკვების სწრა­ფი განგაშის სისტემაში (RASFF) ინტეგრაციის უზრუნველყო­ფისა და ეფექტიანად გადაწყვეტის მიზნით:

1. შეიქმნას სწრაფი განგაშის სისტემა (შემდგომში ­– სის­ტემა), რომელიც გულისხმობს სურსათის/ცხოველის საკვების წარმოების, შემოტანის, დისტრიბუციის ან/და მოხმარების დროს ადამიანის ჯანმრთელობისა და სიცოცხლისათვის პირ­და­პირი/არაპირდაპირი საფრთხის მისაღებ დონემდე შემცი­რე­ბის ან აღმოსაფხვრელად განხორციელე­ბულ/გან­სა­ხორ­ციებელ ღონისძიებათა შესახებ ინფორმაციის სწრაფ გაცვლას, ინფორ­მაციის ოპერატიულ მიწოდებას რისკის მართვის მონაწილე და ყველა დაინტერესებული მხარისათვის.

2. სისტემის დანერგვისა და ამოქმედებისათვის პასუხის­მგე­ბელ უწყებებად განისაზღვროს საქართველოს სოფლის მე­ურ­ნეობის სამინისტროს სახელმწიფო საქვეუწყებო დაწესე­ბულება – სურსათის უვნებლობის, ვეტერინარიისა და მცენა­რეთა დაცვის ეროვნული სამსახური და საქართველოს ფინანს­თა სამინისტროს სახელმწიფო საქვეუწყებო დაწესებულება – შე­მო­სავლების სამსახური (შემდგომში – პასუხისმგებელი უწ­ყე­ბები).

3. პასუხისმგებელმა უწყებებმა უზრუნველყონ სისტემის 24-საათიანი მუშაობის ორგანიზება, მონაცემთა ბაზის შექმნა და განსაზღვრონ პასუხისმგებელი საკონტაქტო პირები, რომ­ლე­ბიც განახორციელებენ ინფორმაციის ოპერატიულ მიწო­დე­ბას კანონმდებლობით დადგენილი წესით.

4. განისაზღვროს სისტემაში გასავრცელებელი ოთხი ტი­პის შეტყობინება:

ა) საგანგაშო შეტყობინება (Alert notification): იგზავნება, ბაზარზე განთავსებული სურსათის/ცხოველთა საკვებთან და­კავ­შირებული საფრთხის არსებობისას, როდესაც დაუყოვ­ნებელი მოქმედებაა აუცილებელი. საგანგაშო შეტყობინებას ავრ­ცელებს ის პასუხისმგებელი უწყება, რომელიც აღმოაჩენს საფრთხეს;

ბ) საინფორმაციო შეტყობინება (Information notification): შე­ე­­ხება იმ სურსათსა და ცხოველთა საკვებს, რომელიც შეტა­ნილ იქნა ბაზარზე და რომელთან დაკავშირებული საფრთხე შეფასდა, მაგრამ რისკის ხასიათი არ მოითხოვს დაუყონებლივ მოქმედებას, ვინაიდან, პროდუქციას ჯერ არ მიუღწევია ბაზ­რამდე, ან აღარ არის ბაზარზე;

გ) სიახლეები (News): სურსათის/ცხოველის საკვების უვნე­ბლობასთან დაკავშირებული ნებისმიერი ინფორმაცია, რომლის გადაცემაც არ მოხდა საგანგაშო და საინფორმაციო შეტყო­ბინებების სახით;

დ) ,,საქონლის შემოტანაზე უარი ითქვა – დაბრუნებულია” (Reject): შეტყობინება ეხება იმ უცხოური საქონლის სტატუსის მქონე სურსათს/ცხოველის საკვებს, რომლის მიმართ სასაზღვ­რო-საკარანტინო კონტროლის განხორციელებისას მიღებულ იქნა გადაწყვეტილება საქონლის საქართველოს საბაჟო ტერი­ტო­რიაზე შემოტანაზე უარის თქმისა და უკან დაბრუნების შესახებ.

5. ევროკავშირის ქვეყნების სწრაფი განგაშის სისტე­მასთან RASFF) ინტეგრაციის მიზნით, პასუხისმგებელ უწყე­ბად განისაზღვროს საქართველოს სოფლის მე­ურ­ნეობის სამინის­ტროს სახელმწიფო საქვეუწყებო დაწესე­ბულება – სურსა­თის უვნებლობის, ვეტერინარიისა და მცენარეთა დაცვის ეროვნული სამსახური, რომელიც განსაზღვრავს საკონტაქტო პირს. საკონ­ტაქტო პირმა ევროკავშირის ქვეყნების სწრაფი განგაშის სის­ტემას RASFF) უნდა მიაწო­დოს შემდეგი სახის ინფორმაცია:

ა) განხორციელებული ნებისმიერი ღონისძიების შესახებ, რომლის მიზანია სურსათის/ცხოველის საკვების ბაზარზე გან­თავსების შეზღუდვა, ან მისი ბაზრიდან ამოღება;

ბ) ნებისმიერი რეკომენდაციის შესახებ, რომლის მიზანია, სურსათის/ცხოველის საკვების ბაზარზე განთავსებისა ან შე­საძ­ლო მოხმარების სპეციფიკური პირობების დაწესება;

გ) ინფორმაცია სურსათის/ცხოველის საკვების სასაზღვრო საბაჟო ორგანოების გავლით შემოტანის ნებისმიერი შეზღუდ­ვის შესახებ.

6. შეტყობინებას თან უნდა ერთოდეს დეტალური ინფორ­მაცია სურსათის/ცხოველთა საკვებთან დაკავშირებული საფრ­თხის თაობაზე განხორციელებული ან განსახორციელებელი, ან რეკომენდებული ღონისძიების შესახებ.

7. განკარგულება ძალაშია ხელმოწერის დღიდან.

პრემიერ-მინისტრი                     გ. მგალობლიშვილი