მარნეულის მუნიციპალიტეტის სოფლებში – ხიხანსა და შაუმიანში რუსეთის ფედერაციის აგრესიის შედეგად დაზარალებული მოსახლეობის ბუნებრივი აირით უზრუნველყოფის ღონისძიებათა შესახებ

საქართველოს მთავრობის

განკარგულება №774

2008 წლის 19 ნოემბერი

ქ. თბილისი

მარნეულის მუნიციპალიტეტის სოფლებში – ხიხანსა და შაუმიანში რუსეთის ფედერაციის აგრესიის შედეგად დაზარალებული მოსახლეობის ბუნებრივი აირით უზრუნველყოფის ღონისძიებათა შესახებ

რუსეთის ფედერაციის აგრესიის შედეგად დაზარა­ლებული იმ მოსახლეობის, რომელთა განთავსებაც მიმდინა­რეობს მარ­ნეულის მუნიციპალიტეტის სოფლებში – ხიხანსა და შაუ­მიანში ბუნებრივი აირით უმოკლეს ვადაში უზრუნ­ველ­ყოფის მიზნით:

1. საქართველოს ფინანსთა სამინისტრომ (ნ. გილაური):

ა) ,,საქართველოს 2008 წლის სახელმწიფო ბიუჯეტის შე­სახებ“ საქართველოს კანონით საქართველოს ენერგეტიკის სა­მი­ნის­ტროსათვის გათვალისწინებული ასიგნებებიდან საკრედი­ტო რესურსად გამოყოს 377 646 (სამას სამოცდაჩვიდმეტი ათას ექვსას ორმოცდაექვსი) ლარი და საქართველოს ენერგეტიკის სამინისტროსთან ერთად გააფორმოს სათანადო სასესხო ხელ­შეკრულება სს ,,ვისოლის გაზის სადისტრიბუციო კომპანიას­თან“ მარნეულის მუნიციპალიტეტის სოფლებში – ხიხანსა და შაუმიანში რუსეთის ფედერაციის აგრესიის შედეგად და­ზა­რალებული მოსახლეობის ბუნებრივი აირით უზრუნველ­საყოფად. საბიუჯეტო სესხის დაბრუნების საბოლოო ვადად განისაზღვროს 2009 წლის 31 დეკემბერი, სესხის სარგებლის განაკვეთად – წლიური 9 პროცენტი;

ბ) საჭიროების შემთხვევაში, საქართველოს ენერგეტიკის სამინისტროს წინადადების საფუძველზე, თავისი კომპეტენციის ფარგლებში შეიტანოს შესაბამისი ცვლილებები საქართველოს 2008 წლის სახელმწიფო ბიუჯეტის კვარტალურ განწერასა და ოპერატიულ-ფინანსურ გეგმაში.

2. საქართველოს ენერგეტიკის სამინისტრომ (ა. ხეთაგური) ამ განკარგულებით გათვალისწინებული მიზნებისათვის საქარ­თველოს სახელმწიფო ბიუჯეტიდან მიღებული სახსრები გა­დაურიცხოს სს ,,ვისოლის გაზის სადისტრიბუციო კომ­პა­ნიას“, რომელიც თავის მხრივ უზრუნველყოფს მარნეულის მუნი­ციპალიტეტის სოფლებში – ხიხანსა და შაუმიანში რუ­სეთის ფედერაციის აგრესიის შედეგად დაზარალებული მო­სახ­ლეობის ბუნებრივი აირით მომარაგების ღონისძიებათა განხორციე­ლე­ბას.

3. სესხის ხელშეკრულების პირობად განისაზღვროს მარ­ნეულის მუნიციპალიტეტის სოფლებში – ხიხანსა და შაუმი­ანში რუსეთის ფედერაციის აგრესიის შედეგად დაზარალე­ბული მოსახლეობის ბუნებრივი აირით უზრუნველყოფის ღო­ნისძიებათა დასრულება არა უგვიანეს 2008 წლის 20 დეკემ­ბრამდე.

4. ეთხოვოს შესაბამისი მუნიციპალიტეტის გამგეობას, თა­ვისი კომპეტენციის ფარგლებში, მოქმედი კანონმდებლობის თა­ნახმად უმოკლეს ვადებში უზრუნველყოს ობიექტების სამშე­ნებ­ლო სამუშაოების შეუფერხებელი წარმოებისა და მათი ექს­პლუ­ა­ტაციაში მიღების მიზნით შესაბამისი ღონისძიებების გან­ხორციელება.

5. განკარგულების შესრულების კონტროლი განახორცი­ელონ საქართველოს ფინანსთა მინისტრმა ნ. გილაურმა და საქართველოს ენერგეტიკის მინისტრმა ა. ხეთაგურმა.

6. განკარგულება ძალაშია ხელმოწერის დღიდან.

 პრემიერ-მინისტრი გ. მგალობლიშვილი