„დიდი ლიახვის სოფელ ხეითისა და ქარელის მუნიციპალიტეტის სოფელ დვანის ელექტროენერგიით მომარაგების ღონისძიებათა შესახებ“ საქართველოს მთავრობის 2007 წლის 28 ნოემბრის №747 განკარგულების შესრულების მიმდინარეობის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №450
2008 წლის 7 ივლისი
ქ. თბილისი
„დიდი ლიახვის სოფელ ხეითისა და ქარელის მუნიციპალიტეტის სოფელ დვანის ელექტროენერგიით მომარაგების ღონისძიებათა შესახებ“საქართველოს მთავრობის 2007 წლის 28 ნოემბრის № 747 განკარგულების შესრულების მიმდინარეობის თაობაზე
1. საქართველოს ენერგეტიკის სამინისტრომ (ა. ხეთაგური) „საქართველოს 2008 წლის სახელმწიფო ბიუჯეტის შესახებ“საქართველოს კანონით მისთვის განსაზღვრული ასიგნებების ფარგლებში უზრუნველყოს საქართველოს მთავრობის 2007 წლის 28 ნოემბრის №747 განკარგულებით გათვალისწინებული შესრულებული სამუშაოების ღირებულების ანაზღაურება, სამუშაოების დაგვიანებით შესრულების გამო საურავებისა და 35/10 კვ 1000 კვა სიმძლავრის ძალოვანი ტრანსფორმატორის 35/10 კვ 2500 კვა სიმძლავრის ძალოვანი ტრანსფორმატორით შეცვლის სამუშაოების ღირებულების გამოკლებით.
2. საქართველოს ფინანსთა სამინისტრომ საჭიროების შემთხვევაში საქართველოს ენერგეტიკის სამინისტროს წინადადების საფუძველზე განახორციელოს შესაბამისი ცვლილებები ენერგეტიკის სამინისტროს 2008 წლის სახელმწიფო ბიუჯეტის კვარტალურ განწერასა და ოპერატიულ-ფინანსურ გეგმაში.
პრემიერ-მინისტრი ვ. გურგენიძე