„ძველი ბათუმის“ ტერიტორიის განვითარების დროებითი შეზღუდვისა და შეზღუდვის პერიოდისათვის ქალაქთმშენებლობის რეგულირების განსაკუთრებული რეჟიმის დადგენის თაობაზე თვითმმართველი ქალაქი ბათუმის საკრებულოსათვის თანხმობის მიცემის შესახებ

საქართველოს მთავრობის

განკარგულება №939

2009 წლის 9 დეკემბერი

ქ. თბილისი

„ძველი ბათუმის“ტერიტორიის განვითარების დროებითი შეზღუდვისა და შეზღუდვის პერიოდისათვის ქალაქთმშენებლობის რეგულირების განსაკუთრებული რეჟიმის დადგენის თაობაზე თვითმმართველი ქალაქი ბათუმის საკრებულოსათვის თანხმობის მიცემის შესახებ

,,სივრცითი მოწყობისა და ქალაქთმშენებლობის საფუძვ­ლე­ბის შესახებ“საქართველოს კანონის მე-13 მუხლის მე-7 და მე-8 პუნქტების შესაბამისად:

1. თვითმმართველი ქალაქი ბათუმის საკრებულოს მიეცეს თანხმობა „ძველი ბათუმის“ტერიტორიის განვითარების არა­უ­მე­­ტეს 1 კალენდარული წლით დროებითი შეზღუდვისა და შეზ­­ღუდვის პერიოდისათვის ქალაქთმშენებლობის რეგულირე­ბის განსაკუთრებული რეჟიმის დადგენის თაობაზე.

2. ტერიტორიის განვითარების დროებითი შეზღუდვის პერიოდში „ძველი ბათუმის“ტერიტორიაზე მშენებლობა, რე­კონს­ტრუქცია და დემონტაჟი განხორციელდეს მხოლოდ ამ პერიოდისათვის დადგენილი ქალაქთმშენებლობის რეგული­რე­ბის განსაკუთრებული რეჟიმით გათვალისწინებულ შემთხვე­ვებ­ში, თვითმმართველი ქალაქი ბათუმის მერის დასაბუთე­ბული წერილობითი წინადადების საფუძველზე, აჭარის ავტო­ნომიური რესპუბლიკის მთავრობის მიერ შექმნილი დროებითი კო­ლეგიური ადმინისტრაციული ორგანოს – განაშენიანების რე­­გუ­­­ლირების საბჭოს გადაწყვეტილებით.

პრემიერ-მინისტრი                                                               ნ. გილაური