„ძველი ბათუმის“ ტერიტორიის განვითარების დროებითი შეზღუდვისა და შეზღუდვის პერიოდისათვის ქალაქთმშენებლობის რეგულირების განსაკუთრებული რეჟიმის დადგენის თაობაზე თვითმმართველი ქალაქ ბათუმის საკრებულოსათვის თანხმობის მიცემის შესახებ

საქართველოს მთავრობის

განკარგულება №540

2007 წლის 26 სექტემბერი

ქ. თბილისი

„ძველი ბათუმის“ტერიტორიის განვითარების დროებითი შეზღუდვისა და შეზღუდვის პერიოდისათვის ქალაქთმშენებლობის რეგულირების განსაკუთრებული რეჟიმის დადგენის თაობაზე თვითმმართველი ქალაქ ბათუმის საკრებულოსათვის თანხმობის მიცემის შესახებ

„სივრცითი მოწყობისა და ქალაქთმშენებლობის საფუძვლე­ბის შესახებ“საქართველოს კანონის მე-13 მუხლის მე-7 და მე-8 პუნქტების შესაბამისად:

1. თვითმმართველი ქალაქ ბათუმის საკრებულოს მიეცეს თანხმობა „ძველი ბათუმის“ტერიტორიის განვითარების არა უმე­ტეს 1 კალენდარული წლით დროებითი შეზღუდვისა და შეზღუდვის პერიოდისათვის ქალაქთმშენებლობის რეგულირების განსაკუთრებული რეჟიმის დადგენის თაობაზე.

2. ტერიტორიის განვითარების დროებითი შეზღუდვის პერიოდში „ძველი ბათუმის“ტერიტორიაზე მშენებლობა, რეკონ­სტრუქცია და დემონტაჟი განხორციელდეს მხოლოდ ამ პერიოდისათვის დადგენილი ქალაქთმშენებლობის რეგულირების განსაკუთრებული რეჟიმით გათვალისწინებულ შემთხვევებში, თვითმმართველი ქალაქ ბათუმის მერის დასაბუთებული წერილობითი წინადადების საფუძველზე, აჭარის ავტონომიური რეს­პუბ­ლიკის მთავრობის მიერ შექმნილი დროებითი კოლეგიური ადმინისტრაციული ორგანოს – განაშენიანების რეგულირების საბჭოს გადაწყვეტილებით.

3. განკარგულება ძალაშია ხელმოწერის დღიდან.

პრემიერ-მინისტრი                     ზ. ნოღაიდელი