რიგ საწარმოებსა და ორგანიზაციებზე რიცხულ ვადაგადაცილებულ საგადასახადო დავალიანებათა შესახებ

საქართველოს მთავრობ ი ს

განკარგულება№341

2005 წლის 1 8 აგვისტო

ქ. თბილისი

რიგ საწარმოებსა და ორგანიზაციებზე რიცხულ ვადაგადაცილებულ საგადასახადო დავალიანებათა შესახებ

„საგადასახადო დავალიანებებისა და სახელმწიფო სესხების რესტრუქტურიზაციის შესახებ“საქართველოს კანონის მე-3 მუხლის მე-3 პუნქტის „ა“ქვეპუნქტის თანახმად მიღებულ იქნეს საქართველოს ფინანსთა სამინისტროსთან შექმნილი ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის საკითხის შემსწავლელი კომისიის წინადადება და განხორციელდეს:

1. კავშირ (ასოციაცია) „საქართველოს ელექტროენერგიის საბითუმო ბაზრის“, შეზღუდული პასუხისმგებლობის საზოგადოებების - „ამირანის“, „ბათუმის გემთსაშენი ქარხნის“, „ქუთაისის აეროპორტისა“და სააქციო საზოგადოებების - „თუჯი-XXI“-ის, „წყალტუბოგაზის“ვადაგადაცილებულ საგადასახადო დავალიანებათა რესტრუქტურიზაცია.

2. განკარგულების პირველ პუნქტში აღნიშნულ საწარმოებსა და ორგანიზაციებზე რიცხულ ვადაგადაცილებულ საგადასახადო და სასესხო დავალიანებათა რესტრუქტურიზაციის პირობები განისაზღვროს „საგადასახადო დავალიანებებისა და სახელმწიფო სესხების რესტრუქტურიზაციის შესახებ“საქართველოს კანონის მე-4 მუხლის შესაბამისი ნორმებით, დანართის მიხედვით.

3. განკარგულება ძალაშია ხელმოწერის დღიდან.

პრემიერ-მინისტრი ზ. ნოღაიდელი

დანართი არ ქვეყნდება.