რიგ საწარმოებსა და ორგანიზაციებზე რიცხულ ვადაგადაცილებულ საგადასახადო დავალიანებათა შესახებ

საქართველოს მთავრობის

განკარგულება №414

2006 წლის 31 აგვისტო

ქ. თბილისი

რიგ საწარმოებსა და ორგანიზაციებზე რიცხულ ვადაგადაცილებულ საგადასახადო დავალიანებათა შესახებ

1. „საგადასახადო დავალიანებებისა და სახელმწიფო სესხების რესტრუქტურიზაციის შესახებ” საქართველოს კანონის მე-3 მუხლის მე-7 პუნქტის თანახმად მიღებულ იქნეს საქართველოს ფინანსთა სამინისტროსთან შექმნილ ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის საკითხის შემსწავლელი კომისიის წინადადება და განხორციელდეს შეზღუდული პასუხისმგებლობის საზოგადოებების – ,,სახელმწიფო უზრუნველყოფის”, „ვარციხე-2005”-ის, ,,კომუნის”, ,,კასპის რაიონის წყალკანალის”, „ბათუმის აეროპორტის”, სააქციო საზოგადოებების – „საქნავთობის”, „ხაშურის მრავალპროფილიანი საავადმყოფოს” და საჯარო სამართლის იურიდიული პირის – ქ. თბილისის ზ. ფალიაშვილის სახელობის ოპერისა და ბალეტის სახელმწიფო აკადემიური თეატრის მიმართ რიცხულ ვადაგადაცილებულ საგადასახადო დავალიანებათა რესტრუქტურიზაცია.

 2. განკარგულების პირველ პუნქტში აღნიშნულ საწარმოებსა და ორგანიზაციებზე რიცხულ ვადაგადაცილებულ საგადასახადო დავალიანებათა რესტურქტურიზაციის პირობე-ბი განისაზღვროს „საგადასახადო დავალიანებებისა და სახელმწიფო სესხების რესტრუქტურიზაციის შესახებ” საქართველოს კანონის მე-4 მუხლის ნორმებით, დანართის შესაბამისად.

 

 პრემიერ-მინისტრი                   ზ. ნოღაიდელი