ზოგიერთი საჯარო სამართლის იურიდიული პირის ბიუჯეტის, საშტატო ნუსხისა და სახელფასო ფონდის შეთანხმების თაობაზე

საქართველოს მთავრობის

განკარგულება № 127

2013 წლის 29 იანვარი

ქ. თბილისი

ზოგიერთი საჯარო სამართლის იურიდიული პირის ბიუჯეტის, საშტატო ნუსხისა და სახელფასო ფონდის შეთანხმების თაობაზე

1. „საჯარო სამართლის იურიდიული პირის შესახებ“ საქართველოს კანონის მე-12 მუხლის მე-4 პუნქტის საფუძველზე, შეთანხმებულ იქნეს ამ განკარგულების №1 დანართით გათვალისწინებული საჯარო სამართლის იურიდიული პირების ბიუჯეტები, საშტატო ნუსხები და სახელფასო ფონდები ამ განკარგულების №2 დანართის შესაბამისად.

2. №1 დანართით გათვალისწინებულ საჯარო სამართლის იურიდიულ პირებს უფლება მიეცეთ საქართველოს მთავრობასთან შეთანხმების გარეშე განახორციელონ:

ა) №2 დანართის შესაბამისად შეთანხმებული ბიუჯეტის გაზრდა დონორებიდან მიღებული დაფინანსების ფარგლებში;

ბ) №2 დანართის შესაბამისად შეთანხმებული ბიუჯეტის გაზრდა/ცვლილება საბიუჯეტო სახსრების ნაწილში;

გ)  შეთანხმებული ბიუჯეტის საბიუჯეტო კლასიფიკაციის მუხლებს შორის ცვლილება, თუ აღნიშნული ცვლილებები ჯამურად არ აღემატება შეთანხმებული ბიუჯეტის 10%-ს, ხოლო თუ ცვლილებები აღემატება შეთანხმებული ბიუჯეტის 10%-ს ცვლილება შესაძლებელია განხორციელდეს მხოლოდ საქართველოს ფინანსთა სამინისტროს თანხმობით;

დ) საშტატო ნუსხის და სახელფასო ფონდის ცვლილება, თუ იგი არ იწვევს თანამდებობრივი სარგოს ერთი თვის ფონდის 5%-ზე მეტით ზრდას;

ე) შტატით გათვალისწინებული თანამდებობებისათვის თანამდებობრივი სარგოს ცვლილება, თუ იგი არ იწვევს თანამდებობრივი სარგოს ერთი თვის ფონდის გაზრდას, მხოლოდ საქართველოს ფინანსთა სამინისტროს თანხმობით.

3. საქართველოს მთავრობასთან შეთანხმების გარეშე დაუშვებელია №1 დანართით გათვალისწინებულ საჯარო სამართლის იურიდიული პირების №2 დანართის შესაბამისად შეთანხმებული ბიუჯეტების, საშტატო ნუსხებისა და სახელფასო ფონდების ნებისმიერი ცვლილება, გარდა ამ განკარგულების მე-2 პუნქტით განსაზღვრული შემთხვევებისა.

4. განკარგულება ძალაშია 2013 წლის 1 თებერვლიდან.

პრემიერ-მინისტრი  ბ. ივანიშვილი

დანართი №1

1. სსიპ – საქართველოს ფინანსთა სამინისტროს მომსახურების სააგენტო;

2. სსიპ – შემოსავლების სამსახური;

3. სსიპ – საქართველოს სტანდარტებისა და მეტროლოგიის ეროვნული სააგენტო;

4. სსიპ – საქართველოს სახელმწიფო ჰიდროგრაფიული სამსახური;

5. სსიპ – საზღვაო ტრანსპორტის სააგენტო;

6. სსიპ – სახმელეთო ტრანსპორტის სააგენტო;

7. სსიპ – სამოქალაქო ავიაციის სააგენტო;

8. სსიპ – სახელმწიფო ქონების ეროვნული სააგენტო;

9. სსიპ – მუნიციპალური განვითარების ფონდი;

10. სსიპ – აღსრულების ეროვნული ბიურო;

11. სსიპ – საჯარო რეესტრის ეროვნული სააგენტო;

12. სსიპ – სახელმწიფო სერვისების განვითარების სააგენტო;

13. სსიპ – იუსტიციის სახლი;

14. სსიპ – საქართველოს ეროვნული არქივი;

15. სსიპ – საქართველოს თავდაცვის სამინისტროს სამხედრო ჰოსპიტალი;

16. სსიპ – დაცვის პოლიციის დეპარტამენტი;

17. სსიპ – 112;

18. სსიპ -  საქართველოს შინაგან საქმეთა სამინისტროს მომსახურების სააგენტო;

19. სსიპ – სოციალური მომსახურების სააგენტო;

20. სსიპ – ბუნებრივი რესურსების სააგენტო;

21. სსიპ – გარემოს ეროვნული სააგენტო;

22. სსიპ – დაცული ტერიტორიების სააგენტო;

23. სსიპ – კონკურენციისა და სახელმწიფო შესყიდვების სააგენტო;

24. სსიპ – საზოგადოებრივი მაუწყებელი.

 

 

*. ქვეყნდება დანართების გარეშე