საჯარო სამართლის იურიდიული პირის - დანაშაულის პრევენციისა და ინოვაციური პროგრამების ცენტრის შექმნის შესახებ

საქართველოს პრეზიდენტის

ბრძანებულება №779

2012 წლის 4 სექტემბერი

ქ. თბილისი

საჯარო სამართლის იურიდიული პირის – დანაშაულის პრევენციისა და ინოვაციური პროგრამების ცენტრის შექმნის შესახებ

1. საქართველო ში დანაშაულის პრევენციის, კანონთან კონფლიქტში მყოფი პირების რეაბილიტაციისა და რესოციალიზაციის , მოწმეებსა და დაზარალებულებზე ზრუნვის, საქართველოს იუსტიციის სამინისტროში საგრანტო პროგრამის კოორდინაციისა და საქართველოს იუსტიციის სამინისტროს სხვა სტრატეგიული მნიშვნელობის მქონე პროექტების განხორციელების მიზნით, „საჯარო სამართლის იურიდიული პირის შესახებ“საქართველოს კანონის მე-5 მუხლის მე-2 პუნქტის „ბ“ქვეპუნქტის შესაბამისად, შეიქმნას საჯარო სამართლის იურიდიული პირი – დანაშაულის პრევენციისა და ინოვაციური პროგრამების ცენტრი(შემდეგში – პროგრამების ცენტრი).

2 . პროგრამების ცენტრის სახელმწიფო კონტროლს ახორციელ ე ბს საქართველოს იუსტიციის სამინისტრო მის სისტემაში შემავალი სახელმწიფო საქვეუწყებო დაწესებულების – საქართველოს პროკურატურის მეშვეობით.

3 . საქართველოს იუსტიციის სამინისტრომ „საქართველოს2012 წლის სახელმწიფო ბიუჯეტის შესახებ“საქართველოს კანონით მისთვის დამტკიცებული ასიგნებების ფარგლებში მოქმედი კანონმდებლობის შესაბამისად უზრუნველყოს პროგრამების ცენტრის ფინანსური უზრუნველყოფა.

4 . საქართველოს იუსტიციის მინისტრმა უზრუნველყოს:

ა)პროგრამების ცენტრის დებულების დამტკიცება;

ბ)პროგრამების ცენტრის დირექტორის დანიშვნა;

გ)პროგრამების ცენტრის ფუნქციონირებასთან დაკავშირებული ცალკეული საკითხების განსაზღვრა.

5 . პროგრამების ცენტრის მიერ განსახორციელებელი ცალკეული სტრატეგიული მნიშვნელობის მქონე პროექტების ეფექტიანი კოორდინაციისა და მონიტორინგის მიზნით სხვა სახელმწიფო უწყებებმა და ორგანიზაციებმა უზრუნველყო ნ პროგრამების ცენტრისათვის საჭირო ინფორმაციის მიწოდება და ყოველმხრივი მხარდაჭერა.

6 . ეს ბრძანებულება ამოქმედდეს გამოქვეყნებისთანავე.

მ. სააკაშვილი