თვითმმართველი ქალაქი ქუთაისისა და წყალტუბოს მუნიციპალიტეტის ადმინისტრაციული საზღვრების შეცვლის თაობაზე საქართველოს პარლამენტისათვის მიმართვის შესახებ

საქართველოს მთავრობის

განკარგულება №277

2009 წლის 14 აპრილი

ქ. თბილისი

თვითმმართველი ქალაქი ქუთაისისა და წყალტუბოს მუნიციპალიტეტის ადმინისტრაციული საზღვრების შეცვლის თაობაზე საქართველოს პარლამენტისათვის მიმართვის შესახებ

1. „ადგილობრივი თვითმმართველობის შესახებ“ საქართველოს ორგანული კანონის მე-12 მუხლის პირველი პუნქტის შესაბამისად, მოწონებულ იქნეს თვითმმართველი ქალაქი ქუთაისისა და წყალტუბოს მუნიციპალიტეტის საკრებულოების წარდგინებები (თვითმმართველი ქალაქი ქუთაისის საკრებულოს 2008 წლის 13 მაისის №112 და წყალტუბოს მუნიციპალიტეტის საკრებულოს 2008 წლის 18 აპრილის №21 განკარგულებები) თვითმმართველი ერთეულების ადმინისტრაციული საზღვრების შეცვლის შესახებ, კერძოდ, წყალტუბოს მუნიციპალიტეტის გუმბრის ტერიტორიული ერთეულის დასახლების _ „გორა საქუსლიას“ (მებაღეობა „კოლხიდა 2“) თვითმმართველი ქალაქი ქუთაისის ადმინისტრაციულ საზღვრებში მოქცევის თაობაზე.

2. ეთხოვოს საქართველოს პარლამენტს, რომ განიხილოს თვითმმართველი ერთეულების ადმინისტრაციული საზღვრების შეცვლის საკითხი და მიიღოს შესაბამისი გადაწყვეტილება.

პრემიერ-მინისტრი                                                                       ნ. გილაური