სსიპ – საინვესტიციო რისკების მართვის სააგენტოს დაფინანსების უზრუნველყოფის შესახებ

საქართველოს მთავრობის

განკარგულება №286

2009 წლის 14 აპრილი

ქ. თბილისი

სსიპ – საინვესტიციო რისკების მართვის სააგენტოს დაფინანსების უზრუნველყოფის შესახებ

სსიპ – საინვესტიციო რისკების მართვის სააგენტოს დაფინანსების მიზნით, საქართველოს ფინანსთა სამინისტრომ:

ა) „საქართველოს საბიუჯეტო სისტემის შესახებ“ საქართველოს კანონის 36-ე მუხლის მე-4 პუნქტის საფუძველზე განახორციელოს ცვლილებები „საქართველოს 2009 წლის სახელმწიფო ბიუჯეტის შესახებ“ საქართველოს კანონით დამტკიცებულ ორგანიზაციულ კლასიფიკაციაში და დაამატოს ორგანიზაციული კოდი „23 01 08 – სსიპ – საინვესტიციო რისკების მართვის სააგენტო“.

ბ) „საქართველოს 2009 წლის სახელმწიფო ბიუჯეტის შესახებ“ საქართველოს კანონით მისთვის დამტკიცებულ ასიგნებათა ფარგლებში უზრუნველყოს სსიპ – საინვესტიციო რისკების მართვის სააგენტოს დასაფინანსებლად საჭირო თანხების მოძიება და შესაბამისი ცვლილებების განხორციელება სახელმწიფო ბიუჯეტის კვარტალურ განწერაში.

პრემიერ-მინისტრი                                                            ნ. გილაური