„ფაშიზმზე გამარჯვების 65-ე წლისთავის აღსანიშნავი საზეიმო ღონისძიებების შესახებ“ საქართველოს მთავრობის 2010 წლის 10 მარტის №291 განკარგულებაში ცვლილებისა და დამატების შეტანის თაობაზე

საქართველოს მთავრობის

განკარგულება №436

2010 წლის 10 აპრილი

ქ. თბილისი

„ფაშიზმზე გამარჯვების 65-ე წლისთავის აღსანიშნავი საზეიმო ღონისძიებების შესახებ“საქართველოს მთავრობის 2010 წლის 10 მარტის № 291 განკარგულებაში ცვლილებისა და დამატების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, „ფაშიზმზე გამარჯვების 65-ე წლისთავის აღსანიშნავი საზეიმო ღონისძიებების შესახებ“საქართველოს მთავრობის 2010 წლის 10 მარტის № 291 განკარგულებაში შეტანილ იქნეს შემდეგი ცვლილება და დამატება:

ა) განკარგულების მე-2 პუნქტი ჩამოყალიბდეს შემდეგი რედაქციით:

„2. „სახელმწიფო შესყიდვების შესახებ“საქართველოს კანონის მე-10 მუხლის მე-3 პუნქტის „ე“ქვეპუნქტის შესაბამისად, საქართველოს შრომის, ჯანმრთელობისა და სოციალური დაცვის სამინისტრომ სახელმწიფოებრივი და საზოგადოებრივი მნიშვნელობის ღონისძიებათა შეზღუდულ ვადებში შეუფერხებლად გატარების მიზნით, თანდართული გეგმის პირველი და მე-13 პუნქტებით გათვალისწინებული მეორე მსოფლიო ომის მონაწილეებისა და მათთან გათანაბრებული პირებისათვის საიუბილეო მედლებისა და პოლიგრაფიული პროდუქციის დასამზადებლად საჭირო საქონლის/მომსახურების სახელმწიფო შესყიდვები განახორციელოს ერთ პირთან მოლაპარაკების საშუალებით, „საქართველოს 2010 წლის სახელმწიფო ბიუჯეტის შესახებ“საქართველოს კანონით საქართველოს შრომის, ჯანმრთელობისა და სოციალური დაცვის სამინისტროს ცენტრალური აპარატისათვის გამოყოფილ ასიგნებათა ფარგლებში.“;

ბ) განკარგულებით დამტკიცებულ გეგმას დაემატოს შემდეგი შინაარსის მე-13 პუნქტი:

 

           

პრემიერ-მინისტრი                     ნ. გილაური