შპს „CBD Development-ის“ საქმიანობის ხელშესაწყობად რიგ ღონისძიებათა განხორციელების შესახებ

საქართველოს მთავრობის

განკარგულება №736

2014 წლის 28 აპრილი

ქ. თბილისი

შპს „CBD Development-ის“ საქმიანობისხელშესაწყობადრიგღონისძიებათაგანხორციელებისშესახებ

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ი“ ქვეპუნქტის საფუძველზე, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნულ სააგენტოს:

ა) შპს „სახელმწიფო უზრუნველყოფასა“ და შპს „CBD Development-ს“ შორის 2010 წლის 25 მაისს გაფორმებული ნასყიდობის ხელშეკრულებით (შემდგომში – ხელშეკრულება) გათვალისწინებული საინვესტიციო ვალდებულების (5.1 მუხლის „ა“ ქვეპუნქტი) ვადაგადაცილებით შესრულებისთვის დაკისრებული პირგასამტეხლოს გადახდისგან შპს „CBD Development-ის“ გათავისუფლების თაობაზე, იმ პირობით, რომ შპს „CBD Development-ი“ შეასრულებს ამ განკარგულების პირველი პუნქტის „ბ“ ქვეპუნქტით დადგენილ ვალდებულებებს;

ბ) ხელშეკრულებით განსაზღვრული, შესაბამისი ქონების განსავითარებლად გათვალისწინებული საინვესტიციო ვალდებულება (5.1 მუხლის „ა“ ქვეპუნქტი) განისაზღვროს არანაკლებ 31 000 000 (ოცდათერთმეტი მილიონი) აშშ დოლარის ოდენობით და განხორციელდეს, ხელშეკრულების ხელმოწერიდან 5 წლის განმავლობაში, შემდეგი გრაფიკის მიხედვით:

ბ.ა) პირველი წლის დასასრულს არანაკლებ 3 000 000 (სამი მილიონი) აშშ დოლარი;

ბ.ბ) მე-2 წლის დასასრულს არანაკლებ 11 000 000 (თერთმეტი მილიონი) აშშ დოლარი;

ბ.გ) მე-3 წლის დასასრულს არანაკლებ 20 000 000 (ოცი მილიონი) აშშ დოლარი;

ბ.დ) მე-4 წლის დასასრულს არანაკლებ 25 000 000 (ოცდახუთი მილიონი) აშშ დოლარი;

ბ.ე) მე-5 წლის დასასრულს არანაკლებ 31 000 000 (ოცდათერთმეტი მილიონი) აშშ დოლარი;

გ) ხელშეკრულებით გათვალისწინებული საინვესტიციო ვალდებულების (5.1 მუხლის „ა“ ქვეპუნქტი) შესრულების დადასტურება განხორციელდეს „საწარმოებისათვის აუდიტირებული ფინანსური ანგარიშგების განმახორციელებელ ან/და საექსპერტო და აუდიტორული დასკვნების გამცემ პირთა და სახელმწიფო საწარმოთა ნუსხის დამტკიცების შესახებ“ საქართველოს მთავრობის 2012 წლის 5 სექტემბრის №360 დადგენილებით განსაზღვრული ერთ-ერთი საექსპერტო ან/და აუდიტორული კომპანიის მიერ მომზადებული დასკვნის საფუძველზე, ყოველი საინვესტიციო წლის დასრულებიდან 45 (ორმოცდახუთი) დღეში.

2. ამ განკარგულების შესრულების მიზნით, საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ განახორციელოს შესაბამისი ღონისძიებები.

პრემიერ-მინისტრი                             ირაკლი ღარიბაშვილი