გუდაურის სარეკრეაციო ტერიტორიაზე ინფრასტრუქტურის განვითარების მიზნით სახელმწიფო შესყიდვის გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება№2561

2011 წლის 27 დეკემბერი

ქ. თბილისი

გუდაურის სარეკრეაციო ტერიტორიაზე ინფრასტრუქტურის განვითარების მიზნით სახელმწიფო შესყიდვის გამარტივებული შესყიდვის საშუალებით განხორციელების შესახებ

 „სახელმწიფო შესყიდვების შესახებ“ საქართველოს კანონის 10¹   მუხ­ ლის მე-3 პუნქტის „დ“ ქვეპუნქტის შესაბამისად, ქ. თბილისის თვით­მმარ­თველი ერთეულისა და საზოგადოებრივი ინტერესების გათვალისწი­ნე­ბით, ქ. თბილისის თვითმმართველი ერთეულის მიერ გუდაურის სარეკ­რეაციო ტერიტორიაზე  დელეგირებულ უფლებამოსილებათა ფარგლებში,  ტურისტული ინფრასტრუქტურისა და ტურიზმის ხელშეწყობის განვითა­რებისათვის შესაბამისი ღონისძიებების დროულად განხორციელების მიზ­ნით, საექსპერტო მომსახურებების, თოვლის მწარმოებელი ზარბაზნის და­ქირავების, მის გადატანასა და ექსპლუატაციასთან დაკავშირებული სამუ­შაოების შესყიდვის შემჭიდრო­ვებულ ვადებში განხორციელებისა და დაქი­რავებული თოვლის მწარ­მო­ე­ბე­ლი ზარბაზნის საქართველოში დროებითი შემოტანის სასა­ქონ­ლო ოპე­რა­ციის ფარგლებში მოქცევის მიზნით:   

1. ქ. თბილისის მერიის სსიპ – გუდაურის განვითარების ფონდმა უზრუნველყოს:

ა)საექსპერტო მომსახურებების, თოვლის მწარმოებელი ზარბაზნის დაქირავების და მის გადატანასა და ექსპლუატაციასთან დაკავშირებული სამუშაოების შესყიდვა, გამარტი­ვებული შესყიდვის საშუალებით;

ბ) დაქირავებული თოვლის მწარმოებელი ზარბაზნის საქართველოში დროებითი შემოტანის სასაქონლო ოპერაციის  ფარგლებში მოქცევა.

2. შესყიდვა განხორციელდეს  2011 წლის ქ. თბილისის ადგილობრივი ბიუჯეტის ქ. თბილისის მერიის სსიპ – გუდაურის განვი­თარების ფონდი­სათვის გამოყოფილ ასიგნებათა ფარგლებში.

3. ქ. თბილისის მერიის სსიპ – გუდაურის განვითარების ფონდმა ამ განკარგულების პირველი პუნქტით განსაზღვრული შესყიდვა განახორ­ციელოს საავანსო თანხასთან დაკავშირებული საბანკო გარანტიის გარეშე.

პრემიერ-მინისტრი                                                                  ნ. გილაური