შპს „ინფრასტრუქტურის განვითარების კომპანიის“ მიერ განსახორციელებელი ღონისძიებების შესახებ

საქართველოს მთავრობის

განკარგულება №1362

2013 წლის 17 სექტემბერი

ქ. თბილისი

შპს „ინფრასტრუქტურის განვითარების კომპანიის“ მიერ განსახორციელებელი ღონისძიებების შესახებ

1. ქ. თბილისში, ათონელის ქუჩა №25-ში არსებული ადმინისტრა­ციული შენობის (შემდგომში– ადმინისტრაციული შენობა) სამშენებლო-სარემონტო სამუშაოების შეუფერხებლად განხორციელების მიზნით, შპს „ინ­ფრასტრუქტურის განვითარების კომპანიამ“ უზრუნველყოს ადმინის­ტ­რაციული შენობის ინფრასტრუქტურის მოწყობასთან დაკავშირებული სამუშაოების, საქონლისა და მომსახურებების სახელმწიფო შესყიდვა „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, გამარტივებული შესყიდვის საშუალებით.

2. ამ განკარგულების პირველი პუნქტით გათვალისწინებული ღო­ნისძიებების განხორციელების მიზნით, საქართველოს რეგიონული გან­ვი­თარებისა და ინფრასტრუქტურის სამინისტრომ (შემდგომში– სამინის­ტრო), „საქართველოს 2013 წლის სახელმწიფო ბიუჯეტის შესახებ“ საქარ­თ­ველოს კანონით მისთვის გამოყოფილი ასიგნებების ფარგლებში, მოი­ძიოს რესურსი 1 100 000 (ერთი მილიონ ასი ათასი) ლარის ოდენობით და საქართველოს ფინანსთა სამინისტროს წარუდგინოს წინადადებები შესა­ბამისი ცვლილებების განხორციელებასთან დაკავშირებით.

3. სამინისტრომ უზრუნველყოს:

ა) ამ განკარგულების მე-2 პუნქტით გათვალისწინებული თანხის კომპანიისათვის გადარიცხვა;

ბ) თანხის გადარიცხვის პროცედურების განსახორციელებლად სა­ქართველოს ზოგადი ადმინისტრაციული კოდექსის მე-2 მუხლის პირვე­ლი ნაწილის „ზ“ ქვეპუნქტის, 65-ე, 66-ე და 69-ე მუხლების შესაბამისად, კომპანიასთან „თანხების გადარიცხვის შესახებ“ ადმინისტრაციული ხე­ლ­შეკრულების გაფორმება;

გ) კომპანიის კაპიტალის გაზრდა გადარიცხული თანხის ოდენო­ბით.

4. კომპანიამ უზრუნველყოს სამინისტროსათვის ინფორმაციის მი­წო­დება გადარიცხული თანხის ხარჯვის შესახებ თითოეული გადა­რი­ცხული თანხის სრულად გახარჯვის შემდეგ, ან სამინისტროს მოთხოვნის შესაბამისად.

 

პრემიერ-მინისტრი                                                                                        ბ . ივანიშვილი