შპს „სახელმწიფო სამშენებლო კომპანიის“ მიერ განსახორციელებელი ღონისძიებების შესახებ

საქართველოს მთავრობის

განკარგულება №1898

2012 წლის 1 9 ოქტომბერი

ქ. თბილისი

შპს „სახელმწიფო სამშენებლო კომპანიის“ მიერ განსახორციელებელი ღონისძიებების შესახებ

1. საქართველოს რეგიონული განვითარებისა და ინფრასტრუქტურის სამინისტროს მართვაში არსებულმა შპს „სახელმწიფო სამშენებლო კომპანიამ“ საკუთარი სახსრებით უზრუნველყოს:

ა) ქალაქ ყვარელში, ილიას გორაზე მდებარე იუსტიციის სასწავლო ცენტრთან მისასვლელი საავტომობილო გზის სარეაბილიტაციო სამუშაოების განხორციელება;

ბ) ქალაქ ყვარელში, ილიას ტბის თავზე შესაბამისი წარწერის მოწყობა;

გ) „საქართველოს რეგიონული განვითარებისა და ინფრასტრუქტურის სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ“ საქართველოს მთავრობის 2012 წლის 23მარტის №499 განკარგულების პირველი პუნქტით გათვალისწინებულ ღონისძიებებთან დაკავშირებული დამატებითი სამუშაოების შესრულება.

2. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, ამ განკარგულების პირველი პუნქტით გათვალისწინებული ღონისძიებებისათვის საჭირო სამუშაოებისა და მომსახურებების სახელმწიფო შესყიდვა განხორციელდეს გამარტივებული შესყიდვის საშუალებით.

3. ყვარლის მუნიციპალიტეტმა უზრუნველყოს შპს „სახელმწიფო სამშენებლო კომპანიის“ მიერ ამ განკარგულების პირველი პუნქტის „ა“ და „ბ“ ქვეპუნქტების შესაბამისად შესრულებული სამუშაოების ზედამხედველობა, ინსპექტირება და მიღება-ჩაბარება კანონმდებლობით დადგენილი წესით, თავისი კომპეტენციის ფარგლებში.

4. ზუგდიდის მუნიციპალიტეტმა უზრუნველყოს შპს „სახელმწიფო სამშენებლო კომ პ ანიის“ მიერ ამ განკარგულების პირველი პუნქტის „გ“ ქვეპუნქტის შესაბამისად შესრულებული სამუშაოების ზედამხედველობა, ინსპექტირება და მიღება-ჩაბარება კანონმდებლობით დადგენილი წესით, თავისი კომპეტენციის ფარგლებში.

პრემიერ-მინისტრი ს

მოვალეობის შემსრულებელი      ი . მერაბიშვილი