„საჯარო სამართლის იურიდიული პირის - ილიას სახელმწიფო უნივერსიტეტის წესდების დამტკიცების თაობაზე“ საქართველოს განათლებისა და მეცნიერების მინისტრის 2013 წლის 11 სექტემბრის N134/ნ ბრძანებაში ცვლილების შეტანის თაობაზე

საქართველოს განათლებისა და მეცნიერების მინისტრის

2014 წლის 15 მაისი

ქ. თბილისი

1. მე-12 მუხლის პირველი პუნქტის „ვ“ ქვეპუნქტის შემდეგ დაემატოს შემდეგი შინაარსის „ვ¹“ ქვეპუნქტი:

„ვ¹) განიხილავს ადმინისტრაციის ხელმძღვანელის მიერ წარმოდგენილ საშტატო ნუსხისა და სახელფასო ფონდის პროექტს და დასამტკიცებლად წარუდგენს წარმომადგენლობით საბჭოს.“.

2. მე-15 მუხლის პირველი პუნქტის „გ“ ქვეპუნქტის შემდეგ დაემატოს  შემდეგი შინაარსის „გ¹“ ქვეპუნქტი:

„გ¹) ამტკიცებს უნივერსიტეტის საშტატო ნუსხასა და სახელფასო ფონდს აკადემიური საბჭოს წარდგინებით.“.

3. მე-18 მუხლის მე-7 პუნქტის შემდეგ დაემატოს შემდეგი შინაარსის „7¹“ პუნქტი:

„7¹. რექტორს შესაძლოა ჰყავდეს მოადგილეები, რომელთა რაოდენობა განისაზღვრება უნივერსიტეტის საშტატო ნუსხით. ისინი ინიშნებიან რექტორის მიერ და მათი უფლებამოსილება რეგულირდება რექტორის ინდივიდუალურ ადმინისტრაციულ-სამართლებრივი აქტით.“

4. მე-20 მუხლის პირველი პუნქტის „გ“ ქვეპუნქტის შემდეგ დაემატოს შემდეგი შინაარსის „გ¹“ პუნქტი:

„გ¹) შეიმუშავებს საშტატო ნუსხისა და სახელფასო ფონდის პროექტს და წარუდგენს აკადემიურ საბჭოს.“

5. 46-ე მუხლი ჩამოყალიბდეს შემდეგი რედაქციით:

„მუხლი 46. უნივერსიტეტის ეკონომიკური საქმიანობა 

1.უნივერსიტეტი, ეკონომიკურ საქმიანობაზე არსებითად გადასვლის გარეშე, შეიძლება ეწეოდეს საქართველოს კანონმდებლობით ნებადართულ ეკონომიკურ საქმიანობას. 

2.უნივერსიტეტი უფლებამოსილია განახორციელოს:

ა) საგამომცემლო საქმიანობა;

ბ) საგანმანათლებლო და სამეცნიერო-კვლევითი საქმიანობის პროცესში შექმნილი პროდუქციის რეალიზება;

გ) სამეცნიერო-კვლევითი და ლაბორატორიული საქმიანობის პროცესში შექმნილი პროდუქციის (გამოგონებისა და სასარგებლო მოდელის) წარმოება და რეალიზება;

დ) კვებითი მომსახურება;

ე) სასტუმრო მომსახურება;

ვ) საექსპერტო-საკონსულტაციო მომსახურება;

ზ) ფართით მომსახურება;

თ) თეატრის ბილეთების რეალიზება;

ი) წიგნის რეალიზება;

კ) ბრენდირებული სარეკლამო მასალების რეალიზება;

ლ) საუნივერსიტეტო ბაზებით  მომსახურება;

მ) მოძრავი ქონებით  მომსახურება;

ნ) საექსკურსიო მომსახურება.“.

6. 48-ე მუხლის მე-3 პუნქტის „დ“ ქვეპუნქტი ამოღებულ იქნეს.