„ვანის მუნიციპალიტეტის ტერიტორიაზე ადგილობრივი მოსაკრებლების შემოღებისა და მისი რაოდენობის განსაზღვრის შესახებ“ ვანის მუნიციპალიტეტის საკრებულოს 2009 წლის 30 იანვრის №7 დადგენილებაში დამატების შეტანის თაობაზე

ვანის მუნიციპალიტეტის საკრებულო ადგენს:

1. 2¹ მუხლი და ჩამოყალიბდეს იგი შემდეგი რედაქციით:

„2¹ მუხლი

 ვანის მუნიციპალიტეტის ტერიტორიაზე იურიდიული ან ფიზიკური პირების მიერ საკუთრებაში ან დროებით მის მფლობელობაში არსებული ტერიტორიებიდან  საყოფაცხოვრებო ან საამშენებლო ნარჩენის არგატანა ითვლება დასუფთავების წესების დარღვევად და დამრღვევის მიმართ გატარებული იქნება საქართველოს ადმინისტრაციულ სამართალდარღვევათა კოდექსით გათვალისწინებული ნორმები.“

2. 2² მუხლი და ჩამოყალიბდეს იგი შემდეგი რედაქციით:

„2² მუხლი

 ვანის მუნიციპალიტეტის ტერიტორიაზე იურიდიული ან ფიზიკური პირების, მიერ საკუთრებაში ან დროებით მის მფლობელობაში არსებული ტერიტორიებისა და  შენობა-ნაგებობების უყურადღებოდ მიტოვება, მოუვლელობა, სარეველა და სხვადასხვა ბალახეული მცენარეებისაგან მისი გაუწმენდაობა, სხვადსახვა სახის საყოფაცხოვრებო ან საამშენებლო ნარჩენის არგატანა ითვლება თვითმმართველი ერთეულის ტერიტორიის კეთილმოწყობის წესების დარვევად და დამრღვევის მიმართ გატარებული იქნება საქართველოს ადმინისტრაციულ სამართალდარღვევათა კოდექსით გათვალისწინებული ნორმები“.