ალპანა ჰესისა და სადმელი ჰესის მშენებლობის, ოპერირებისა და ფლობის შესახებ

საქართველოს მთავრობის

განკარგულება №277

2011 წლის 8 თებერვალი

ქ. თბილისი

ალპანა ჰესისა და სადმელი ჰესის მშენებლობის, ოპერირებისა და ფლობის შესახებ

1. მოწონებულ იქნეს სს „ენერგო-პრო ჯორჯიას“წინადადება ალპანა ჰესისა და სადმელი ჰესის მშენებლობის, ოპერირებისა და ფლობის შესახებ.

2. „სახელმწიფო პროგრამა „განახლებადი ენერგია 2008“_ საქართველოში განახლებადი ენერგიის ახალი წყაროების მშენებლობის უზრუნველყოფის წესის დამტკიცების შესახებ“საქართველოს მთავრობის 2008 წლის 18 აპრილის № 107 დადგენილებით დამტკიცებული წესის 24-ე პუნქტის შესაბამისად, სს „ენერგო-პრო ჯორჯიას“მიერ ალპანა ჰესისა და სადმელი ჰესის მშენებლობის, ოპერირებისა და ფლობის შესახებ ინტერესთა გამოხატვაზე არ გავრცელდეს ზემოაღნიშნული დადგენილებით დამტკიცებული წესი.

3. მოწონებულ იქნეს „საქართველოს მთავრობასა და სს „ენერგო-პრო ჯორჯიას“შორის ალპანა ჰესისა და სადმელი ჰესის მშენებლობის, ოპერირებისა და ფლობის შესახებ“ურთიერთგაგების მემორანდუმის პროექტი.

4. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“საქართველოს კანონის 27-ე მუხლის შესაბამისად, საქართველოს მთავრობის სახელით მემორანდუმს ხელი მოაწეროს საქართველოს ენერგეტიკის მინისტრმა ალექსანდრე ხეთაგურმა.

პრემიერ-მინისტრი                      ნ. გილაური