არასამეწარმეო (არაკომერციული) იურიდიული პირის – სოფლის მეურნეობის განვითარების ფონდის დაფუძნების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №2471
2011 წლის 17 დეკემბერი
ქ. თბილისი
არასამეწარმეო (არაკომერციული) იურიდიული პირის – სოფლის მეურნეობის განვითარების ფონდის დაფუძნების შესახებ
„სახელმწიფო ქონების შესახებ“ საქართველოს კანონის 39-ე მუხლის მე-2 პუნქტის შესაბამისად, „სოფლის მეურნეობის განვითარების ფონდის დასაფუძნებლად განსახორციელებელი ღონისძიებების შესახებ“ საქართველოს პრეზიდენტის 2011 წლის 14 დეკემბრის №817 ბრძანებულების შესრულების მიზნით:
1. საქართველოს ეკონომიკისა და მდგრადი განვითარების სამინისტრომ უზრუნველყოს სახელმწიფოს სახელით საქართველოს სამოქალაქო კოდექსით განსაზღვრული არასამეწარმეო (არაკომერციული) იურიდიული პირის – სოფლის მეურნეობის განვითარების ფონდის (შემდგომში – ფონდი) სს „საქართველოს სოფლის მეურნეობის კორპორაციის“ 100%‑იან წილზე დაფუძნება.
2. განისაზღვროს ფონდის გამგეობის შემდეგი შემადგენლობა:
| ნიკა გილაური | – | საქართველოს პრემიერ-მინისტრი, ფონდის გამგეობის თავმჯდომარე |
| ზაზა გოროზია | – | საქართველოს სოფლის მეურნეობის მინისტრი, ფონდის გამგეობის თავმჯდომარის მოადგილე |
| რამაზ ნიკოლეიშვილი
| –
| საქართველოს რეგიონული განვითარებისა და ინფრასტრუქტურის მინისტრი, ფონდის გამგეობის წევრი |
| დიმიტრი გვინდაძე | – | საქართველოს ფინანსთა მინისტრი, ფონდის გამგეობის წევრი |
| ვერა ქობალია
| –
| საქართველოს ეკონომიკისა და მდგრადი განვითარების მინისტრი, ფონდის გამგეობის წევრი |
| ალექსანდრე ხეთაგური | – | საქართველოს ენერგეტიკისა და ბუნებრივი რესურსების მინისტრი, ფონდის გამგეობის წევრი |
| გიორგი აბულაძე
| –
| საქართველოს სოფლის მეურნეობის მინისტრის პირველი მოადგილე, ფონდის გამგეობის წევრი |
| კონსტანტინე კობახიძე
| –
| საქართველოს სოფლის მეურნეობის მინისტრის მოადგილე, ფონდის გამგეობის წევრი |
| ეთერ ყამარაული
| –
| საქართველოს სოფლის მეურნეობის მინისტრის მოადგილე, ფონდის გამგეობის წევრი. |
3. ამ განკარგულების პირველი პუნქტით გათვალისწინებულ ღონისძიებათა განხორციელების მომენტიდან არასამეწარმეო (არაკომერციული) იურიდიული პირის – სოფლის მეურნეობის განვითარების ფონდის წესდებით გათვალისწინებული დამფუძნებლის ყველა უფლებამოსილება მიენიჭოს საქართველოს სოფლის მეურნეობის სამინისტროს.
პრემიერ-მინისტრი ნ. გილაური